اسلام آباد،راولپنڈی سمیت پنجاب کشمیر، خیبر پختونخوا، شمال مشرقی بلوچستان اور سندھ میں آندھی اور گرج چمک کے ساتھ بارش اورژالہ باری کا بھی امکان ہے، محکمہ موسمیات

جمعہ 29 مئی 2020 12:01

اسلام آباد (اُردو پوائنٹ اخبارتازہ ترین - اے پی پی۔ 29 مئی2020ء) محکمہ موسمیات کے مطابق آئندہ 24 گھنٹوں کے دوران اسلام آباد،راولپنڈی سمیت پنجاب، کشمیر، خیبر پختونخوا، شمال مشرقی بلوچستان اور سندھ میں آندھی اور گرج چمک کے ساتھ بارش اورژالہ باری کا امکان ہے، جبکہ ملک کے دیگر علاقوں میں موسم خشک اور گرم رہے گا۔

(جاری ہے)

نجی ٹی وی چینل کے مطابق گذشتہ 24 گھنٹوںکے دوران ملک کے بیشتر علاقوں میں بارش سے موسم خوشگوار ہو گیا سب سے زیادہ بارش کشمیر، گڑھی دوپٹہ 4 ، مظفرآباد 3 ، خیبر پختونخواہ، کاکول 3، پنجاب، حافظ آباد 2 ، سیالکوٹ ایک ، مری اورخانیوال میں ایک ملی میٹر بارش ریکارڈکی گئی۔

سب سے زیادہ درجہ حرارت لاڑکانہ 50، شہید بینطیر آباد، جیکب آباد،موہنجوداڑو، دادو، پڈعیدن اور سبی میں 48ڈگری سینٹی گریڈ ریکارڈ کیا گیا۔