مشیر برائے احتساب شہزاد اکبر نے شہباز شریف کو ’چاچو‘ کہہ دیا

کیا آپ چاہتے ہیں آپکے بھائی کی طرح بیٹے کو بھی لندن بھیج دیں؟ شہزاد اکبر کا ٹویٹ

ساجد علی اتوار 13 ستمبر 2020 14:24

مشیر برائے احتساب شہزاد اکبر نے شہباز شریف کو ’چاچو‘ کہہ دیا

اسلام آباد (اُردو پوائنٹ اخبارتازہ ترین۔ 13 ستمبر2020ء) وزیراعظم کے مشیر برائے احتساب مرزا شہزاد اکبر نے سابق وزیراعلیٰ پنجاب شہباز شریف کو ’چاچو‘ کہہ دیا ۔ سماجی رابطوں کی ویب سائٹ ٹویٹر پر اپنے ایک پیغام میں انہوں نے سابق وزیراعلیٰ پنجاب کو ٹیگ کرتے ہوئے لکھا کہ چاچو صاحبزادے کوئی سیاسی جرم میں نہیں اربوں کی منی لانڈرنگ اور اپنی جماعت کے لوگوں اور سرکاری ٹھیکوں میں کمیشن لینے کے جرم میں بند ہیں اور انکی ضمانت ہائی کورٹ سے مسترد ہو چکی ہے ، کیا آپ چاہتے ہیں آپکے بھائی کی طرح اسے بھی لندن بھیج دیں؟ باقی الللہ شفا دے ۔

چاچو صاحبزادے کوئی سیاسی جرم میں نہیں اربوں کی منی لانڈرنگ اور اپنی جماعت کے لوگوں اور سرکاری ٹھیکوں میں کمیشن لینے کے جرم میں بند ہیں اور انکی بیل ہائی کورٹ سے مسترد ہو چکی ہے،کیا آپ چاہتے ہیں آپکےبھائی کی طرح اسے بھی لندن بھیج دیں؟ باقی الللہ شفا دے @CMShehbaz https://t.co/VuB1tttaPJ
— Mirza Shahzad Akbar (@ShazadAkbar) September 13, 2020

۔ واضح رہے کہ قبل ازیں خبر آئی تھی کہ پنجاب اسمبلی مین اپوزیشن لیڈر حمزہ شہباز شریف کو کورونا ہوگیا ، کورونا ٹیسٹ مثبت آنے سے ایک دن پہلے حمزہ شہباز نے اپنے والد شہبازشریف سے بھی ملاقات کی ۔

(جاری ہے)

تفصیلات کے مطابق قومی اسمبلی میں اپوزیشن لیڈر اور مسلم لیگ ن کے صدر شہبازشریف نے بتایا ہے کہ ان کے بیٹے حمزہ شہبازکو جیل میں کورونا ہوگیا اور وہ سیاسی انتقام کا انتہائی جرات مندی سے سامنا کر رہا ہے ۔

سابق وزیراعلیٰ پنجاب نے کہا کہ حمزہ شہباز مشرف دور کے بعد نیب نیازی گٹھ جوڑ کا سامنا کررہا ہے ۔ مسلم لیگ ن کی ترجمان مریم اورنگزیب نے کہا ہے کہ حمزہ شہباز گزشتہ تین روز سے شدید بخار میں مبتلا ہیں ، بگڑتی ہوئی صحت کو دیکھتے ہوئے انہیں کوٹ لکھپت جیل سے فوری اسپتال منتقل کیا جائے ، علاج میں سستی یا لاپرواہی سے پنجاب اسمبلی میں قائد حزب اختلاف کی صحت خطرے سے دوچار ہوسکتی ہے۔ یاد رہے کہ اس سے قبل مسلم لیگ ن کے مرکزی صدر شہبازشریف کا کورونا ٹیسٹ بھی مثبت آیا تھا جس پر انہوں نے خود کو قرنطینہ کر لیا تھا جبکہ مسلم لیگ ن کے رہنما احسن اقبال، سابق وزیراعظم شاہد خاقان عباسی، ن لیگ کی ترجمان مریم اورنگزیب اور خواجہ سلمان رفیق کا کورونا ٹیسٹ بھی مثبت آیا تھا ۔