امریکہ میں عالمی سطح پر کورونا کے باعث ہلاکتوں کا نیا ریکارڈ

ہلاکتوں کی مجموعی تعداد 2 لاکھ سے تجاوز کر گئی، متاثرین کی تعداد میں بھی مسلسل اضافہ ریکارڈ

کامران حیدر اشعر بدھ 16 ستمبر 2020 07:39

واشنگٹن (اردو پوائنٹ اخبار تازہ ترین۔ 16 ستمبر 2020ء) امریکہ میں عالمی سطح پر کورونا کے باعث ہلاکتوں کا نیا ریکارڈ۔ ہلاکتوں کی مجموعی تعداد 2 لاکھ سے تجاوز کر گئی، متاثرین کی تعداد میں بھی مسلسل اضافہ ریکارڈ۔ تفصیلات کے مطابق امریکہ میں کورونا وائرس کی تباہ کاریوں کا سلسلہ جاری ہے۔ تازہ اعداد و شمار کے مطابق امریکہ میں کورونا وائرس کے باعث ہلاک شدگان کی تعداد 2 لاکھ سے تجاوز کر گئی ہے۔

(جاری ہے)

2 لاکھ سے زائد ہلاکتوں کے ساتھ امریکہ کورونا وائرس سے سب سے زیادہ جانی نقصان برداشت کرنے والے ممالک کی فہرست میں بدستور پہلے نمبر پر ہے۔ غیر ملکی میڈیا رپورٹس کے مطابق امریکہ میں کورونا وائرس کے کیسز میں بھی یومیہ ٹھیک ٹھاک اضافہ ریکارڈ کیا جا رہا ہے۔

BREAKING: US coronavirus deaths reach 200,000
— The Spectator Index (@spectatorindex) September 15, 2020

کورونا سے متعلق معلومات فراہم کرنے والے عالمی میٹر کے مطابق امریکہ میں اب تک مہلک کورونا وائرس 67 لاکھ 88 ہزار 147 لوگوں کو متاثر کر چکا ہے۔ امریکہ میں اس وقت کورونا کے ایکٹو کیسز کی تعداد 25 لاکھ سے زائد ہے جبکہ 40 لاکھ سے زائد افراد وائرس کو شکست دینے میں کامیاب ہو چکے ہیں۔