Live Updates

مہنگائی اور کرپشن کے ہر بال پر چوکے چھکے لگ رہے ہیں، خواجہ آصف

سلیکٹراں کولوں پتہ کرو باؤلر کتھو ں آیا وے، اڑھائی سال میں نیا پاکستان نہیں بن سکا، نوازشریف کی ایک تقریر نے”نیا عمران خان“ بنا دیا ہے، یہ ہوتی ہے سوسُنار دی اِک لوہار دی۔ ن لیگ کے سینئر رہنماء کا ٹویٹ

ثنااللہ ناگرہ اتوار 18 اکتوبر 2020 18:20

مہنگائی اور کرپشن کے ہر بال پر چوکے چھکے لگ رہے ہیں، خواجہ آصف

لاہور(اردوپوائنٹ اخبارتازہ ترین۔ 18 اکتوبر2020ء) پاکستان مسلم لیگ ن کے مرکزی رہنماء خواجہ آصف نے کہا ہے کہ مہنگائی اور کرپشن کے ہر بال پر چوکے چھکے لگ رہے ہیں، سلیکٹراں کولوں پتہ کرو باؤلر کتھو ں آیا وے، اڑھائی سال میں نیا پاکستان نہیں بن سکا، نوازشریف کی ایک تقریر نے ”نیا عمران خان“ بنا دیا ہے، یہ ہوتی ہے سوسُنار دی اِک لوہار دی۔ انہوں نے ٹویٹر پر اپنے پیغام میں کہا کہ اڑھائی سال میں عمران خان نیا پاکستان نہیں بنا سکا اور نواز شریف نے ایک تقریر میں ’’نیا عمران خان‘‘ بنا دیا ہے۔

منقول ہے کہ سوسنار دی اک لوہار دی ۔ انہوں نے کہا کہ5 دن کے ٹیسٹ میچ میں ڈھائی دن گزر گئے۔ باؤلر کو وکٹ نہیں ملی۔ مہنگائی، کرپشن، لاقانونیت اور نااہلی کے چوکے چھکے ہر بال پہ لگ رہے ہیں۔

(جاری ہے)

انہوں نے کہا کہ باؤلرگراؤنڈ سے نہیں اسٹیدیم سے نکالنے کا وقت آگیا ہے۔ اتنی مہنگی باؤلنگ 72 سال میں نہیں دیکھی۔ سلیکٹراں کولوں پتہ کرو باؤلر کتھو ں آیا وے۔

دوسری جانب مسلم لیگ ن کی سینئر نائب صدر مریم نواز اورپی ڈی ایم کے سربراہ مولانا فضل الرحمان جلسے میں شرکت کیلئے کراچی پہنچ گئے ہیں۔ مریم نواز کے استقبال کے لیے کارکنوں کی بڑی تعداد ائیرپورٹ کے باہر موجود تھی۔ کارکنوں نے لیگی نائب صدر کا پر تپاک استقبال کیا اور جگہ جگہ ان کی گاڑی پر گل پاشی کی۔ کراچی میں لیگی کارکنوں کی جانب سے مریم نواز کی گاڑی کے بونٹ پر کیک کاٹا گیا ، کارکن ڈھول کی تھاپ پر بھنگڑے بھی ڈالتے رہے۔

کارکنوں کی جانب سے مریم نواز کی گاڑی کے بونٹ پر کیک بھی کاٹا گیا جب کہ کارکن ڈھول کی تھاپ پر بھنگڑے بھی ڈالتے رہے۔لیگی نائب صدر کی گاڑی کے بونٹ پر ’ریڈ انڈینز‘ کا روپ دھارے کارکن ڈانس کرتے رہے جس پر انہوں نے خوشی کا اظہار کیا۔ مریم نواز نے ڈانس کی ویڈیو شیئر کرتے ہوئے کہا کہ ’ریڈ انڈین‘ بھی کراؤڈ میں موجود تھے۔