دولہے نے بارات کی روانگی سے قبل خود کو کمرے میں بند کر لیا

نوجوان نے نامعلوم وجوہات کی بنا پر خود کو گولی مار کر خودکشی کر لی

مقدس فاروق اعوان پیر 5 اپریل 2021 12:24

دولہے نے بارات کی روانگی سے قبل خود کو کمرے میں بند کر لیا

مردان (اُردو پوائنٹ تازہ ترین اخبار ۔ 5 اپریل 2021ء) مردان میں ایک دولہے نے بارات کی روانگی سے قبل خود کشی کرلی۔تفصیلات کے مطابق مردان کے علاقہ شریف آباد میں ایک دولہے نے زندگی کے نئے سفر کے آغاز سے قبل گولی مار کر اپنی جان لے لی۔پولیس کے مطابق شریف آباد کے رہائشی نوجوان کی ہفتہ کے روز شادی ہونا تھی اور اس کے اہل خانہ اور دیگر رشتہ دار شادی کی تیاریوں میں مصروف تھے تاہم بارات کی روانگی سے قبل خود کو کمرے میں بند کرلیا، کمرے میں خود کو بند کرنے والے دولہے نے خود کو گولی مار لی۔

واقعے کے بعد شادی کا گھر ماتم کدہ میں تبدیل ہوگیا۔ پولیس نے متوفی کے بھائی کی مدعیت میں مقدمہ درج کرلیا ہے۔پولیس کے مطابق خودکشی کی وجوہات کا تاحال علم نہیں ہوسکا تاہم پولیس نے تفتیش کا آغاز کردیا ہے۔

(جاری ہے)

دوسری جانب تھانہ صدر چوک رشید آباد کے علاقے چلڈرن ہسپتال کے سامنے دولہا کی گاڑی نی8 سالہ بچے کو کچل دیا جسے چلڈرن ہسپتال پہنچایا گیا مگر وہ زخموں کی تاب نہ لاتے ہوئے جاں بحق ہوگیا۔

دلہا کی گاڑی کا ڈرائیور اور اس کے دوست گاڑی چھوڑ کر فرار ہو گئے۔ تفصیلات کے مطابق امین پور بنگلہ سے رحمانیہ روڈ گلی نمبر 7 فیصل آباد آنے والی بارات چلڈرن ہسپتال جھنگ روڈ کے سامنے پہنچی تو دلہے والی گاڑی 8 سالہ بچے صائم سے ٹکرا گئی جس سے بچہ شدید زخمی ہو گیا۔ اسے ہسپتال پہنچایا گیا مگر جاں بحق ہوگیا۔ رحمانیہ روڈ گلی نمبر 6 کے رہائشی بچے کے ورثا نے ون فائیو پر کال کر دی۔

چوکی رشید آباد پولیس نے قانونی کارروائی شروع کر دی ہے۔سوسنا ک واقعہ نارنگ منڈی میں بھی پیش آیا تھا۔جہاں نوبیاہتا دولہا ٹریفک حادثے میں جاں بحق ہوگیا،نئی نویلی دلہن اپنا ذہنی توازن کھو بیٹھی ۔بتایا گیا کہ بی آر بی نہر چھانگی سیفن کے قریب محمد سفیان کی چند روز قبل ہی شادی ہوئی تھی ۔ محمد سفیان موٹر سائیکل پر شاپنگ کرنے کے بعد اپنے گھر لوہارنوالی جارہاتھا کہ اچانک تیز رفتار ٹریکر ٹرالی کی زد میں آکر موقع پر ہی جاں بحق ہو گیا ۔ متوفی کی موت کی خبر اہل خانہ پر بجلی بن کر گری اور نئی نویلی دلہن اپنا ذہنی توازن کھو بیٹھی ۔