20 سال بعد پوری قوم ایک دن عید کرے گی، ایک دن عید کا وعدہ پورا کر دیا

پاکستان میں کل عید ہو گی، تمام مسلمانوں کو عید کی بہت بہت مبارک باد، عیدالفطر کل 13 مئی بروز جمعرات کو ہوگی، طاہر اشرفی

دانش احمد انصاری بدھ 12 مئی 2021 23:50

20 سال بعد پوری قوم ایک دن عید کرے گی، ایک دن عید کا وعدہ پورا کر دیا

اسلام آباد (اردوپوائنٹ اخبارتازہ ترین۔ 12 مئی2021ء) وزیراعظم عمران خان کے نمائندہ خوصی برائے مذہبی ہم آہنگی مولانا طاہر اشرفی نے کہا ہے کہ 20 سال بعد پوری قوم ایک دن عید کرے گی، ایک دن عید کا وعدہ پورا کر دیا- تفصیلات کے مطابق وزیراعظم عمران خان کے نمائندہ خصوصی برائے مذہبی ہم آہنگی طاہر اشرفی نے تمام مسلمانوں کو عید کی مبارک باد دیتے ہوئے کہ 20 سال بعد پوری قوم ایک دن عید کرے گی، ایک دن عید کا وعدہ پورا کر دیا- پاکستان میں کل عید ہو گی- واضح رہے کہ شوال کا چاند نظر آگیا ہے، عیدالفطر کل 13 مئی بروز جمعرات کو ہوگی، اسلام آباد میں ہوئے اجلاس کے دوران مرکزی رویت ہلال کمیٹی کو پشاور، چمن اور بلوچستان کے دیگر علاقوں سے چاند کی شہادتیں موصول ہوئیں۔

تفصیلات کے مطابق پاکستان میں مرکزی رویت ہلال کمیٹی کا اجلاس چیئرمین مولانا عبدالخبیر آزاد کی زیرصدارت ہوا، اجلاس میں مرکزی رویت ہلال اور زونل کمیٹیوں کے ارکان شریک ہوئے۔

(جاری ہے)

اجلاس میں محکمہ موسمیات ، سپارکو اور وزارت سائنس اینڈ ٹیکنالوجی کے نمائندے بھی شریک ہوئے۔ اسی طرح ملک بھر میں زونل ہلال کمیٹیوں کے اجلاس بھی ہوئے۔ جبکہ پشاور میں عیدالفطر کا چاند دیکھنے کی 7 شہادتیں موصول ہوئی ہیں، زونل رویت ہلال کمیٹی ان شہادتوں کی تصدیق کی، شہادتوں کی شرعی حیثیت جانچنے کے بعد مرکزی کمیٹی کو آگاہ کیا گیا۔

اس سے قبل محکمہ موسمیات نے کہا کہ چاند کی عمر20 گھنٹے 40 منٹ ہوگی تو دیکھا جاسکتا ہے، پاکستان کے کسی بھی علاقے میں چاند کی عمر 20 گھنٹے 40 منٹ نہیں ہے۔ اس لیے چاند نہیں دیکھا جاسکتا۔ خیال رہے ماہرین فلکیات کی پیشن گوئی کے مطابق شوال کے چاند کی پیدائش ہوگئی ہے۔ شوال کے چاند کی پیدائش پاکستان کے مقامی وقت کے مطابق 12 مئی کو رات 12 بجکر 01 منٹ پرہوگی۔

بتایا گیا ہے کہ شوال کے چاند کی پیدائش کے مطابق سعودی عرب سمیت دنیا کے کئی ممالک میں کل چاند نظر آئے گا، جبکہ پاکستان میں 12 مئی کو چاند نظر آںے کے امکانات نہ ہونے کے برابر ہیں۔ شوال کے چاند کی پیدائش دیر رات سے ہونے کی وجہ سے ہی سعودی عرب سمیت وہ تمام ممالک جہاں 11 مئی کو 29 ویں روزہ تھا، وہاں چاند نظر نہیں آیا۔ پاکستان میں شوال کے چاند کی رویت کے حوالے سے محکمہ موسمیات نے پیشگوئی کرتے ہوئے کہا کہ اس بار29 کی بجائے 30 روزوں کا امکان زیادہ ہے، عیدالفطر 14مئی بروزجمعہ کو ہوسکتی ہے، تاہم حتمی فیصلہ رویت ہلال کمیٹی کرے گی۔

محکمہ موسمیات کے مطابق بدھ 12مئی کو ملک کے بیشترحصوں میں مطلع صاف ہوگا۔ دوسری جانب سعودی عرب میں شوال کا چاند نظر نہیں آیا، مملکت میں بدھ کو 30 روزے مکمل کیے جائیں گے اور عیدالفطر 13 مئی جمعرات کو ہوگی۔ اسی طرح قطر اور متحدہ عرب امارات نے بھی ماہ شوال کے چاند کا اعلان کردیا گیا۔ امارات میں کہیں بھی عید کا چاند نظر نہیں آیا جس کے بعد (کل)بدھ کو 30 واں روزہ ہوگا۔