دہشتگردی کے خلاف عوامی نیشنل پارٹی کا موقف روز اول سے بالکل واضح اور صاف ہے، میاں افتخار حسین
8 میں دوران حکومت عوامی نیشنل پارٹی دہشتگردی کے خلاف جنگ میں ریاستی پالیسی کی حمایت میں کھڑی رہی ے این پی آج بھی اپنے موقف کے ساتھ میدان میں موجود ہے اور اپنے بیانیے سے ایک بھی قدم پیچھے نہیں ہٹے گی،اے این پی شہدائ کی وارث جماعت ہے اور دہشتگردی کے خلاف جنگ میں شہید ہونے والوں کے لواحقین کے ساتھ کھڑی رہے گی، بیان
ہفتہ 3 جولائی 2021 00:03
(جاری ہے)
اس طرح کے بیایات سے پکڑے گئے مجرم کو بچانے کی کوشش ہورہی ہے۔ دہشتگردی اور انتہا پسندی کے خلاف جنگ اور قیام امن کے لئے باچا خان کے پیروکاروں نے لازوال قربانیاں دی ہیں۔
راشد حسین شہید کے قتل کا مقدمہ قانون کے مطابق نامعلوم ملزمان کے خلاف درج ہوا تھا۔ 2012 میں کراچی پولیس کی جانب سے ٹارگٹ کلنگ میں مطلوب عبدالقیوم نامی شخص جس کا تعلق وزیرستان سے تھا پکڑا گیا۔ دوران تفتیش ملزم نے خود آٹھ دیگر ٹارگٹ کلنگ کے واقعات کے ساتھ راشد حسین شہید کے قتل کا بھی اعتراف کیا تھا اور پورے نیٹ ورک اور سہولت کاروں کے نام بھی بتا دیئے تھے۔انہوں نے کہا کہ بطور حکومتی ترجمان میں کراچی پولیس اور اس وقت کے آئی جی سندھ سے رابطے میں تھا۔ پولیس کے مطابق مذکورہ مجرم تحریک طالبان کے امیر حکیم اللہ محسود کا ڈرائیور تھا۔ جس کو کامیاب دہشتگردانہ کارروائیوں کے بعد کراچی کا کمانڈر بنا دیا گیا تھا۔ مجرم کی جانب سے مردان کی انسداد دہشتگردی کورٹ میں ضمانت کی اپیل بھی داخل کی گئی جو کہ منظور نہیں ہوئی۔ اے این پی کے ہزار سے زائد کارکنان اور قائدین دہشتگردی کے خلاف جنگ میں شہید ہوئے۔ آج تک ایک بھی شہید کے مجرم گرفتار نا ہوسکا اور نا کسی کو سزا ہوسکی۔ صرف راشد حسین شہید کا مجرم پکڑا گیا، اس نے اعتراف جرم بھی کیا لیکن اس اتنے سال گزر نے کے باوجود آج تک کیس کا فیصلہ نہیں ہوسکا۔ انہوں نے کہا کہ حقائق کو مسخ کرنے کے لئے آج ایک دفعہ پھر اخبارات میں من گھڑت بیانات آرہے ہیں۔ شہید راشد حسین کیس کے مجرم کو بچانے کے لئے حالیہ پروپیگنڈے اس موقف کی تائ?د کرتے ہیں کہ حکومت دہشتگردی ختم کرنے میں سنجیدہ نہیں ہے اور آج بھی ان کے لئے ایک نرم گوشہ رکھتی ہے۔ انہوں نے کہا کہ جب ایک ہائی پروفائل کیس میں نامزد مجرم جس نے جرم کا اعتراف بھی کیا ہو، یہ حال ہے تو عوام اندازہ لگا سکتے ہیں کہ مزید کیسوں کی کیا صورتحال ہوگی۔ انہوں نے کہا اے این پی آج بھی اپنے موقف کے ساتھ میدان میں موجود ہیاور دہشتگردی کے خلاف اپنے بیانیے سے ایک بھی قدم پیچھے نہیں ہٹے گی۔ اے این پی شہدائ کی وارث جماعت ہے۔ دہشتگردی کے خلاف جنگ میں شہید ہونے والوں کے لواحقین کے ساتھ کھڑی رہے گی اور قاتلوں کو انجام تک پہنچانے اور انصاف کے حصول تک چین تک نہیں بیٹھے گی۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
-
خواجہ سلمان رفیق کا عزیز بھٹی شہید ہسپتال گجرات میں چھت گرنے کے واقعہ کا نوٹس،رپورٹ طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.