بلدیاتی انتخابات میں مہمند کیلئے سیکیورٹی پلان تشکیل دیدیا گیا

مہمند (اُردو پوائنٹ اخبارتازہ ترین - این این آئی۔ 06 دسمبر2021ء) بلدیاتی انتخابات میں ضلع مہمند کے لئے سیکیورٹی پلان تشکیل دیدیا گیا،53پولنگ سٹیشن انتہائی حساس،76 حساس جبکہ 65پولنگ سٹیشن نارمل قرار،انتخابات کے دوران 2213پولیس اہلکار فرائض سرانجام دینگے جن میں 1500 پولیس اہلکار پولنگ سٹیشنز میں جبکہ باقی اہلکار مختلف چیک پوائنٹس پر تعینات کیے جائینگے،مہمند پولیس کے مطابق حساس ترین پولنگ سٹیشن میں 10،حساس میں 8اور نارمل پولنگ سٹیشنز میں 5اہلکار تعینات کیے جائینگے، امیدواروں کے الیکشن کیمپ پولنگ سٹیشن سے چارسو میٹر کی دوری پر لگانا لازمی ہے،دفعہ 144 کے نفاذ کے بعد اسلح کی نمائش بند جبکہ تمام ریٹرننگ آفیسرز کو مجسٹریٹ کا اختیار دیا گیا ہے۔

ڈی ایس پی یکہ غونڈ سرکل لیاقت خان نے کہا ہے کہ تمام امیدوار اور ووٹرز الیکشن کمپئین میں قانون کا احترام اور بھائی چارے کا مظاہرہ کریں۔

(جاری ہے)

لوئر سب ڈویڑن یکہ غونڈ پولیس سٹیشن میں ڈی ایس پی یکہ غونڈ سرکل لیاقت خان اور ایس ایچ او قاسم جان نے بلدیاتی انتخابات میں حصہ لینے والے امیدواروں کے ساتھ خصوصی ملاقات کی اور ان سے انتخابات کے حوالے سے بات چیت کی۔

اس موقع پر شرکائ سے گفتگو میں ڈی ایس پی لیاقت خان نے بتایا کہ مہمند پولیس کی جانب سے بلدیاتی انتخابات کیلئے سیکیورٹی پلان تشکیل دیا گیا ہے جس کے مطابق ضلع بھر میں 53پولنگ سٹیشنز کو انتہاء حساس ،76 پولنگ سٹیشن حساس جبکہ 65 پولینگ سٹیشنز کو نارمل قرار دیا گیا ہے۔انتخابات کیلئے ضلع بھر میں2213 پولیس اہلکار تعینات ہونگے جن میں 1500 اہلکار پولنگ سٹیشنز اور باقی مختلف علاقوں اور چیک پوائنٹس میں تعینات ہونگے،انہوں نے کہا کہ حساس ترین پولنگ سٹیشن میں 10،حساس میں 8 جبکہ نارمل پولنگ سٹیشن میں 5اہلکار تعینات کیے جائینگے۔

انہوں نے کہا کہ الیکشن کمپئین یا جیتنے کی خوشی میں ہواء فائرنگ سخت ممنوع ہوگی،اسکے علاوہ غلط بیانی،نازیبا الفاظ کا استعمال یا غلط وآل چاکنگ پر سختی سے پابندی ہوگی،ایک دوسرے کے پوسٹر ہٹانے یا لڑاء جھگڑا کرنے والوں کے خلاف قانونی کارواء ہوگی،انکا کہنا تھا کہ الیکشن کے دن دفعہ 144کا نفاذ کیا جائے گا جس کے بعد کسی بھی قسم کے اسلحہ کی نمائش پر سخت پابندی ہوگی اور ریٹرننگ آفیسرز کو مجسٹریٹ کے اختیارات حاصل ہونگے اور کسی بھی قانونی خلاف ورزی کرنے والے کو سزا دینے کا مجاز ہوگا،انہوں نے تمام امیدواروں سے اپیل کی کہ الیکشن کمپیئن کے دورآن انے والے پولیو مہم ،کورونا اور میزل کمپیئن کے بارے میں عوام کو آگاہی دیں اور انکو تلقین کریں تاکہ ملک سے موذی امراض کا خاتمہ ہوسکیں۔

اس موقع پر امیدواروں نے درپیش مسائل بیان کیے،ڈی ایس پی لیاقت خان نے تمام شرکائ پر زور دیا کہ الیکشن کے دوران باہمی تعاون اور بھاء چارے کا مظاہرہ کریں تاکہ الیکشن کے تمام مراحل خوش اسلوبی سے انجام پاسکیں۔