آصف زرداری کا نواز شریف کے بارے میں بیان افسوس ناک ہے، شہباز شریف

جمعرات 9 دسمبر 2021 23:49

لاہور (اُردو پوائنٹ اخبارتازہ ترین - آن لائن۔ 09 دسمبر2021ء) مسلم لیگ ن کے صدر اور قومی اسمبلی میں قائد حزب اختلاف شہباز شریف نے نواز شریف کے بارے میں آ صف زرداری کے بیان کو افسوس ناک قرار دے دیا۔

(جاری ہے)

شہباز شریف نے پاکستان پیپلز پارٹی کے شریک چیئرمین آصف زرداری کے بیان پر ٹویٹ کرتے ہوئے کہا کہ زرداری صاحب کا نواز شریف کے بارے میں بیان افسوس ناک ہے، میاں صاحب کی پاکستان کے ساتھ غیر متزلزل وابستگی ہمیشہ ناقابل تردید رہی ہے، نواز شریف کو کن حالات میں بیرون ملک جانا پڑا آپ جانتے ہیں۔ شہباز شریف کا کہنا تھا کہ ہمیں ایسے ریمارکس سے گریز کرنا چاہیے اور سب کو مل کر ملک کی بہتری کے لیے کام کرنا چاہیے۔