وفاقی وزیر شبلی فراز کی گاڑی پر نا معلوم افراد نے فائرنگ کر دی

نامعلوم افراد کی اندھا دھند فائرنگ سے گاڑی کے شیشے ٹوٹ گئے، ، گارڈز ور ڈرائیور زخمی ، ذرائع

دانش احمد انصاری اتوار 19 دسمبر 2021 19:11

وفاقی وزیر شبلی فراز کی گاڑی پر نا معلوم افراد نے فائرنگ کر دی

درہ آدم خیل(اُردو پوائنٹ، اخبار تازہ ترین، 19دسمبر 2021) وفاقی وزیر شبلی فراز کی گاڑی پر فائرنگ، نامعلوم افراد کی اندھا دھند فائرنگ سے گاڑی کے شیشے ٹوٹ گئے، ، گارڈز ور ڈرائیور زخمی ۔ تفصیلات کے مطابق درہ آدم خیل کے مقام پر وفاقی وزیر برائے سائنس و ٹیکنالوجی شبلی فراز کی گاڑی پر فائرنگ کردی تاہم خوش قمستی سے وہ حملے میں محفوظ رہے۔وفاقی وزیر شبلی فراز آبائی علاقے کوہاٹ سے پشاور آرہے تھے کہ درہ آدم خیل کے مقام پرنامعلوم افراد نے گاڑی پر فائرنگ کردی۔

حملے میں وفاقی وزیر محفوظ رہے تاہم ان کے گارڈ اور ڈرائیور زخمی ہوگئے جبکہ مقامی پولیس بھی جائے وقوعہ پر پہنچ گئی۔

اطلاعات ہیں کہ وفاقی وزیر شبلی فراز پر کوہاٹ جاتے ہوئے درہ آدم خیل کے مقام پر فائرنگ کی گئ، خدا کا شکر ہے وہ حملے میں محفوظ رہے لیکن بدقسمتی سے ڈرائیور شدید زخمی ہیں جن کو ہسپتال منتقل کیا گیا ہے ، اس حملے کی شدید مذمت کرتے ہیں
— Ch Fawad Hussain (@fawadchaudhry) December 19, 2021

نامعلوم افراد کی فائرنگ سے گاڑی کے شیشے ٹوٹ گئے۔وفاقی وزیر شبلی فراز کا کہنا تھاکہ الحمداللہ محفوظ ہوں مگر ڈرائیور زخمی ہے، ڈرائیور کو علاج کیلئے پشاور منتقل کررہے ہیں۔

(جاری ہے)

دوسری جانب وفاقی وزیر اطلاعات فواد چوہدری نے ٹوئٹ میں کہا کہ اطلاعات ہیں کہ وفاقی وزیر شبلی فراز پر کوہاٹ جاتے ہوئے درہ آدم خیل کے مقام پر فائرنگ کی گئی ہے۔

وزیر داخلہ شیخ رشید احمد کی وزیر سائینس اینڈ ٹیکنالوجی شبلی فراز پر قاتلانہ حملے کی مذمت

چیف سیکرٹری اور آئی جی خیبر پختونخواہ سے فائرنگ واقعے کی رپورٹ طلب

فائرنگ واقعے میں زخمی ہونے والے شبلی فراز کے ڈرائیور اور گارڈ کی جلدصحتیابی کے لئے دعا@shiblifaraz
ایڈمن پوسٹ
— Sheikh Rashid Ahmed (@ShkhRasheed) December 19, 2021

ان کا کہنا تھاکہ اللہ کا شکر ہے وہ حملے میں محفوظ رہے لیکن بدقسمتی سے ڈرائیور شدید زخمی ہے جن کو اسپتال منتقل کیا گیا ہے۔اسی طرح وزیر داخلہ شیخ رشید احمد نے وزیر سائنس اینڈ ٹیکنالوجی شبلی فراز پر قاتلانہ حملے کی مذمت کرتے ہوئے ، چیف سیکرٹری اور آئی جی خیبر پختونخواہ سے فائرنگ واقعے کی رپورٹ طلب کر لی ہے۔وزیر داخلہ شیخ رشید نے فائرنگ واقعے میں زخمی ہونے والے شبلی فراز کے ڈرائیور اور گارڈ کی جلدصحتیابی کے لئے دعا بھی کی۔