کرونا کیخلاف جنگ میں پاکستان کی کارکردگی دنیا کیلئے مثال بن گئی

ملک میں 15 کروڑ سے زائد افراد کو کرونا ویکسین لگا دی گئی، گزشتہ 24 گھنٹوں کے دوران ریکارڈ 13 لاکھ سے زائد افراد نے اپنی ویکسی نیشن کروائی

محمد علی منگل 28 دسمبر 2021 23:34

اسلام آباد (اُردو پوائنٹ اخبارتازہ ترین۔ 28 دسمبر2021ء) کرونا کیخلاف جنگ میں پاکستان کی کارکردگی دنیا کیلئے مثال بن گئی، ملک میں 15 کروڑ سے زائد افراد کو کرونا ویکسین لگا دی گئی، گزشتہ 24 گھنٹوں کے دوران ریکارڈ 13 لاکھ سے زائد افراد نے اپنی ویکسی نیشن کروائی۔ تفصیلات کے مطابق وزارت نیشنل ہیلتھ سروسز ریگولیشنز اینڈ کوآرڈینیشن کی جانب سے فراہم کردہ اعداد و شمار کے مطابق ملک بھر میں 15 کروڑ19 لاکھ51 ہزار 87 افراد کی کرونا ویکسی نیشن کی جا چکی ہے ۔

Pakistan: Daily update on #vaccine doses administered

Total doses administered till now: 151.9 million
Doses administered in last 24 hours: 13.5 Lakh pic.twitter.com/DRTWq8aa40
— Ministry of National Health Services, Pakistan (@nhsrcofficial) December 28, 2021

بتایا گیا کہ گزشتہ 24 گھنٹوں کے دوران بھی ملک میں ریکارڈ تعداد میں لوگوں نے ویکسین لگوائی۔ گزشتہ 24 گھنٹوں کے دوران ملک بھر میں 13 لاکھ 58 ہزار 181افراد کو کرونا وائرس سے تحفظ کی ویکسین لگائی گئی۔

(جاری ہے)

دوسری جانب منگل کو وزارت قومی صحت کی جانب سے جاری اعدادوشمار کے مطابق گزشتہ 24 گھنٹوں کے دوران ملک بھر میں 41 ہزار869 کرونا ٹیسٹ کئے گئے، جن میں سے 291 افراد کے کرونا ٹیسٹ مثبت آئے ہیں۔

Pakistan: Daily update on #coronavirus cases

• 41,869 tests conducted in the last 24 hours
• 291 people tested #COVID19 positive
• Positivity Ratio is 0.69 %
• Number of deaths is 3
• Patients on Critical Care 636#DailyCovidUpdate pic.twitter.com/ixMDfAkEpg
— Ministry of National Health Services, Pakistan (@nhsrcofficial) December 28, 2021

اس طرح گزشتہ 24 گھنٹوں میں کئے گئے کورونا ٹیسٹوں کی مثبت کی شرح 0.69 فیصد رہی ہے۔ مزید برآں اس دوران کرونا وائرس کی وجہ سے جاں بحق ہونے والوں کی تعداد3ریکارڈ کی گئی ہے جبکہ 636 مریضوں کی حالت تشویشناک ہے۔ جبکہ ملک میں کرونا وائرس کی اومیکرون قسم کے 75 کیس بھی سامنے آگئے ۔ قومی ادارہ صحت (این آئی ایچ) کے مطابق اومیکرون کی33کیس کراچی سے رپورٹ ہوئے ہیں، اس کے علاوہ 17 کیس اسلام آباد سے اور 13 کیس لاہور سے رپورٹ ہوئے ہیں۔

اومی کرون ویریئنٹ کے 12کیس بیرون ملک سے آنے والے مسافروں سے بھی رپورٹ ہوئے ہیں۔قومی ادارہ صحت کے مطابق پاکستان میں اومیکرون کا پہلا کیس 13دسمبرکو رپورٹ ہوا تھا، ویکسینیشن اور ایس او پیز پر عملدرآمد بھی وبا کے خلاف مؤثر ہیں، تمام شہری کورونا کے خاتمے کیلئے ویکسینیشن مکمل کروائیں۔