پی ٹی آئی کا سندھ سے صفایا ہوچکا ہے، پتا نہیں یہ کیا کھا کر یا نشہ کر کے آتے ہیں جو کہتے ہیں سندھ میں اگلی حکومت پی ٹی آئی کی ہوگی، سعیدغنی
ایم کیو ایم پاکستان چاہتی ہے سندھ میں بلدیاتی انتخابات نہ ہوںکیونکہ ان کو یقین ہے اگر دو چار ماہ میں بلدیاتی الیکشن ہوئے تو ان کا حشر بھی پی ٹی آئی جیسا ہوگا، وزیراطلاعات سندھ سولجر بازار واقعہ کے فوری بعد وفاقی وزیر کے بیان پر انہیں اس قتل میں شامل تفتیش کیا جانا چاہیے،حلیم عادل نیازی سرکس کے مسخرے ہیں،مجھے سمجھ نہیں آتی ان کو کون دھکیاں دے گا، پریس کانفرنس
پیر 3 جنوری 2022 20:26
(جاری ہے)
سولجر بازار واقعہ کے فوری بعد وفاقی وزیر کے بیان پر انہیں اس قتل میں شامل تفتیش کیا جانا چاہیے۔
حلیم عادل نیازی سرکس کے مسخرے ہیں،مجھے سمجھ نہیں آتی ان کو کون دھکیاں دے گا۔یہ وہ اداکار ہیں کہ جب بولتے ہیں تو اس سے ہماراہی فائدہ ہوتا ہے۔ ان کودھمکیاں ملی ہیں اس کی تحقیقات ہونی چاہیے۔ ان خیالات کا اظہار انہوںنے پیر کے روز اپنے کیمپ آفس میں پریس کانفرنس کرتے ہوئے کیا۔ سعید غنی نے کہا کہ موجودہ نااہل اور نالائق وفاقی حکومت نے ملکی معیشت کوآئی ایم ایف کے آگے گروی رکھ دیا ہے، انہوںنے کہا کہ ایک ارسطو جسے پہلے بھی وزارت سے ہٹا دیا گیا تھا انہوںنے کل کہا ہے کہ سندھ کا بلدیاتی نظام اس ملک کے لئے خطرہ ہے اور یہ وہ صاحب کہہ رہے ہیں جنہوں نے آتے ہی پنجاب میں بلدیاتی نظام ختم کیا جو سپریم کورٹ کے احکامات پرانہیں بحال کرنا پڑا اور ایک ماہ بعد انہوں نے پھرختم کردیا۔ سعید غنی نے کہا کہ کہتے ہیں مردم شماری ہم نے کی۔ ان نالائقوں کو یہی نہیں معلوم کہ مردم شماری صوبائی نہیں وفاقی حکو مت کرواتی ہے اور جب سندھ میں مردم شماری ہوئی تو ہماری ایڈمنسٹریشن نے ان کی معاونت کی اور ہم نے اس وقت بھی کہا تھا کہ ایک کاپی اس کی ڈپٹی کمشنر کو دی جائے تاکہ کسی اعتراض کی صورت میں اس کا سدباب کیا جاسکے لیکن انہوں نے ہم سے ڈیٹاشیئرنہیں کیا۔ سعید غنی نے کہا کہ یہ بھی کہا گیا کہ سندھ حکومت نے کوووڈ میں لوگوں کی مدد نہیں کی۔ سعید غنی نے کہا کہ جس وقت کوووڈ پھیل رہا تھا اور ہم نے لاک ڈائون لگایا ہوا تھا ان دنوں میں وفاق نے کوووڈ کے نام پر مدد کے لئے ہزاروں افراد کے مجمع لگانا شروع کئے، جس پر ہم نے کہا کہ اس صورتحال میں مزید کوووڈ پھیل سکتا ہے اس لئے بہتر یہ ہے کہ بینظیرانکم سپورٹ پروگرام کاڈیٹاموجود ہے اس سے مدد لیں اورپیسے بانٹیں تاہم انہوں نے لائنیں لگوائی جس سے کووڈ مزید بڑھا۔سعید غنی نے کہا کہ یہ کہتے ہیں گندم چوہے کھاگئے ۔ جبکہ حقیقت یہ ہے کہ فلور ملز کو گندم کریڈیٹ پر دی جاتی ہے، اس میں سے کئی فلور ملز نے ادائیگی نہیں کہ تو خود سندھ حکومت نے نیب کوخط لکھاتھا۔ سعید غنی نے کہا کہ ایم کیو ایم اور جی ڈی اے جو اس صوبے کے عوام کے لئے اپنے آپ کو مسیحا قرار دیتے ہیں بتائیں کہ جب وفاقی کابینہ میں پی ٹی آئی آئی ایم ایف بجٹ کابینہ نے منظورکیا، اس وقت ان کے وزراء کابینہ میں موجود تھے تو کیوں انہوںنے اس کی مخالفت نہیں کی۔ انہوںنے کہا کہ لوکل گورنمنٹ کے قانون کو جواز بنا کر تو ایم کیو ایم اور جی ڈی اے احتجاج کررہی ہیں تو گیس نہ ملنے پران کی آواز کیوں نہیں نکلتی، مہنگائی پرکیوں خاموش ہیں ۔یہ لوگ پیٹرول، ڈیزل، چینی، آٹا، ادویات کی قیمتوں میں تاریخی اضافہ پر کیوں خاموش ہیں۔ انہوںنے کہا کہ ایم کیو ایم سمیت دیگر اپوزیشن جماعتیں جو آج لوکل گورنمنٹ کی آڑ میں سیاست اور ڈرامہ بازیاں کررہی ہیں ان کا ایک ہی مقصد ہے کہ وہ اپنی سیاسی دکانداری کو چمکائیں۔ انہوںنے کہا کہ ایم کیو ایم، پی ٹی آئی اور جی ڈی اے کو اس بات کا یقین ہے کہ اگر صوبہ سندھ میں آئندہ دو سے چار ماہ میں بلدیاتی انتخابات ہوگئے تو ان کا جو حشر ہوگا وہ کسی ذلت سے کم نہ ہوگا او ر وہ اپنی اسی ذلت سے بچنے کے لئے وہ ڈرامہ بازیاں کررہے ہیں۔ ایک سوال کے جواب میں سعید غنی نے کہا کہ سندھ میں بلدیاتی انتخابات کے لئے سندھ حکومت تیار ہے اور جیسے ہی حلقہ بندیوں کا کام الیکشن کمیشن مکمل کرلے گی اور اس پر اعتراضات و دیگر معاملات ختم ہوجائیں گے ہم بلدیاتی الیکشن کروادیں گے کیونکہ ہم سمجھتے ہیں کہ پیپلز پارٹی کے لئے الیکشن اس کے فائدے میں ہے۔ ایک اور سوال پر انہوںنے کہا کہ پی ٹی آئی سندھ کے صدرکی نامزدگی پرمجھے خوشی ہوئی کیونکہ مجھے امید ہے کہ وہ بچا کچھاپی ٹی آئی کاجنازہ یہ صاحب نکالیں گے۔ ایک سوال کے جواب میں انہوںنے کہا کہ سندھ میں آنے والی حکومت پی ٹی آئی کی ہوگی کہ دعوے کرنے والے پتہ نہیں کون سانشہ کرتے ہیں۔سولجربازارواقعہ کے بعد ایک وفاقی وزیر کے بیان کے سوال پر سعید غنی نے کہا کہ وفاقی وزیرنے بیان دے دیا، بغیرسوچے سمجھے ،میں ایسے ہی توان کوچول نہیں بولتا۔ میں تو تحقیقاتی اداروں سے مطالبہ کروں گا کہ مذکورہ وزیر کو بھی اس کیس میں شامل تفتیش کیا جائے۔ جماعت اسلامی کی جانب سے چار روز سے جاری احتجاج کے سوال کے جواب مین سعید غنی نے کہا کہ ہر سیاسی جماعت کو پرامن احتجاج کا حق حاصل ہے۔ انہوںنے کہا کہ بلدیاتی قانون میں مزید ترامیم ہوسکتی ہیں، لیکن اس کا اصل فورم اسمبلی ہے۔ انہوںنے کہا کہ جب یہ بل پیش ہوا اور بعد ازاں گورنر کے اعتراضات کے بعد دوبارہ اسمبلی میں آیا ہم نے دونوں دفعہ ان کی ترامیم کو لیا لیکن انہوںنے اسمبلی میں اس پر کوئی بات نہیں کی اور باہر چلے گئے اور اسمبلی سے باہر آکر ترامیم کی بات کرتے ہیں۔ انہوںنے کہا کہ قانون میں ترامیم سڑکوں پر احتجاج سے نہیں بلکہ اسمبلی کے فلور پر دلائل دے کر ہوسکتی ہیں۔انہوںنے کہا کہ گلیوں میں احتجاج کرکے عوام کواپنا موقف تودیاجاسکتاہے پرترامیم نہیں کروائی جاسکتی۔ اپوزیشن لیڈر حلیم عادل شیخ کی جانب سے انہیں جان سے مارنے کی دھمکیوں کے حوالے سے سوال پر سعید غنی نے کہا کہ حلیم عادل نیازی سرکس کے مسخرے ہیں،مجھے سمجھ نہیں آتی ان کو کون دھکیاں دے گا۔انہوںنے کہا کہ یہ وہ اداکار ہیں کہ جب بولتے ہیں تو اس سے ہماراہی فائدہ ہوتا ہے۔ ان کودھمکیاں ملی ہیں اس کی تحقیقات ہونی چاہیے۔مزید قومی خبریں
-
گورنر سندھ کامران خان ٹیسوری کی چاند پر پاکستانی سیٹلائٹ آئی کیوب قمر بھیجے جانے پر قوم کو مبارکباد
-
سٹی ٹریفک پولیس نے ای چالان ادا نہ کرنے والی متعدد گاڑیاں پکڑلیں، ای چالان نادہندہ گاڑیوں کے مالکان پولیس سروسز حاصل نہیں کرسکیں گے، ترجمان
-
وزیر اعلٰی بلوچستان میر سرفراز بگٹی کی زیر صدارت محکمہ خوراک کا اعلٰی سطحی جائزہ اجلاس، گندم خریداری پالیسی اینڈ پلان 2024 کا جائزہ لیا گیا
-
نجی بینک میں 5کروڑ روپے سے زائد جعلی کرنسی جمع کروانے والے 3ملازمین گرفتار
-
وزیر نجکاری عبد العلیم خان سے آذر بائیجان کے سفیر کی ملاقات ،ملکی و علاقائی صورتحال پر تبادلہ خیال
-
بس مجھے قتل کرنا رہ گیا ہے ،میں موت سے نہیں ڈرتا، عمران خان
-
تربت و گردونواح میں زلزلے کے جھٹکے ،کوئی جانی نقصان نہیں ہوا
-
انصاف پسند معاشرے کے لیے آزاد صحافت ضروری ہے، بیرسٹر مرتضی وہاب
-
چیئرمین پیپلزپارٹی بلاول بھٹو کی وزیراعظم ہاوس آمد ، وزیراعظم نے استقبال کیا اورحکومت میں شامل ہونے ایک بارپھردعوت
-
حریت فکر کا علم بلند کرنے والے ہر صحافی کو سلام: مریم نواز شریف
-
وزیراعلیٰ پنجاب مریم نوازکی خضدار بم دھماکے کی مذمت
-
پاسپورٹ دفاترمیں ایجنٹوں کیخلاف کریک ڈائون جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.