حق خودارادیت کشمیری عوام کا بنیادی حق ہے،سردارعبدالقیوم نیازی

مسئلہ کشمیر پر کشمیری عوام کا موقف بالکل واضح اور دو ٹوک ہے جس میں کوئی ابہام نہیں ہے،کشمیری عوام پاکستان کی سلامتی، سا لمیت، استحکام اور تکمیل پاکستان کیلئے اپنی جد وجہد جاری رکھیں گے ،وزیر اعظم آزاد کشمیر

منگل 4 جنوری 2022 23:11

مظفر آباد (اُردو پوائنٹ اخبارتازہ ترین - این این آئی۔ 04 جنوری2022ء) وزیر اعظم آزاد حکومت ریاست جموںوکشمیر سردارعبدالقیوم نیازی نے کہا ہے کہ حق خودارادیت کشمیری عوام کا بنیادی حق ہے۔ مسئلہ کشمیر پر کشمیری عوام کا موقف بالکل واضح اور دو ٹوک ہے جس میں کوئی ابہام نہیں ہے،وقت اور حالات کا تقاضا ہے کہ کشمیریوں کو انکا پیدائشی اور بین الاقوامی طور پر تسلیم شدہ حق ‘حق خودارادیت دیا جائے ۔

(جاری ہے)

کشمیری عوام پاکستان کی سلامتی، سا لمیت، استحکام اور تکمیل پاکستان کیلئے اپنی جد وجہد جاری رکھیں گے اور کامیابی کے حصول تک یہ جد جہد جاری رہے گی۔ پاکستان اور آزاد کشمیر کے عوام اپنے مقبوضہ کشمیر کے عوام کی اخلاقی، سیاسی اور سفارتی امداد سے کبھی دستبردار نہیں ہونگے۔ان خیالات کا اظہا رانہوں نے یوم حق خودارادیت کے موقع پر اپنے خصوصی پیغام میں کیا۔انہوں نے کہا کہ ہندوستان نے گزشتہ سات د ہائیوں سے زائد عرصہ سے کشمیریوں کو ان کے مسلمہ پیدائشی حق حق خودارادیت سے طاقت کے بل بوتے پر محروم کر رکھا ہے۔ اقوام متحدہ کو اپنی زیر التواء مسئلہ کشمیر کے حوالہ سے قراردادوں پر عملدرآمدکروانا چاہیے تاکہ کشمیریوں کو ان کا حق خودارادیت مل سکے۔