Live Updates

2023میں عام الیکشن صاف وشفاف کراکر عوام جسکو بھی منتخب کرینگے حکومت اس کے حوالے کردینگے،وفاقی وزیر اسرار ترین

بدھ 27 اپریل 2022 00:55

لورالائی(اُردو پوائنٹ اخبارتازہ ترین - این این آئی۔ 26 اپریل2022ء) وفاقی وزیر دفاعی پیداوار سردار اسرار ترین نے کہاہے کہ حکومت اپنی آئینی پانچ سال پوراکرکے 2023میں عام الیکشن صاف وشفاف کراکر عوام جسکو بھی منتخب کرینگے حکومت اس کے حوالے کردینگے۔یہ بات انہوں نے منگل کو صحافیوں سے بات چیت کرتے ہوئے کہی۔

(جاری ہے)

انہوں نے کہا کہ ملک میں پیٹرول کی کوئی کمی نہیں ہے اور نہ حکومت فوری تیل کی قیمتوں میں کوئی اضافہ کریگی عوام پروپیگنڈوں پر کان نہ دھریں پیٹرول کی قیمت پر حکومت ٹارگیٹیڈ سبسڈی جاری رکھی گی انہوں نے کہا کہ سابق حکومت میں بجلی کی پیداوار میں کائی اضافہ نہیں کیا گیا بلکہ جو پاورز پلانٹ ہمارے پاس موجود تھے انھیں بھی بند رکھا گیا جسکی وجہ آج ملک بھر میں 8سے 10 گھنٹے بجلی لوڈشیڈنگ کی جارہی ہے وزیر اعظم نے فوری طور پر وزارت توانائی کو ہدایات جاری کردی ہیں کہ مئی تک لوڈ شیڈنگ میں فوری کمی لاکر عوام کو اس عذاب سے نکالیں انہوں نے کہا کہ ملک میں مہنگائی میں کمی لانے کیلئے ملک بھر کے یوٹیلٹی اسٹورز پر اشیاء خوردونوش کے پرائیسز رعائتی نرخ پر موجود ہیں عوام اس ریلیف سے فائدہ اٹھائیں انہوں نے کہا کہ گذشتہ حکومت کے ساڑے تین کے مسائل کو حل کرنے میں عوام ہمیں کچھ وقت دیں حکومے کی نیت ٹھیک ہے جلد ہی عوام بڑی تبدیلی محسوس کرینگے انہوںنے کہا کہ بلوچستان عوامی پارٹی ملک اور صوبے کے بہتر مفاد میں حکومت میں شامل ہوئی ہے عوام کو اپنے مسائل سے غرض ہے وہ دو وقت کی روٹی کیلئے پریشان ہیں اور بنیادی مسائل تعلیم صحت پانی روزگار سے محروم ہیں ہماری حکومت ہر صورت ان مسائل کو حل کریگی انہوں نے کہا کہ عمران خان انتظار کریں اسلام آباد کو بند کرکے ملک کو نقصان نہ پہنچائیں ملک پہلے ہی معاشی بحران کا شکار ہے حکومت عمران خان کو باور کرانا چاہتی ہے کہ حکومت انتخابی اصلاحات کرکے جتنی جلد ممکن ہوسکے ملک میں نگراں سیٹ لاکر عام الیکشن کیلئے روڈ میپ دی گی س حوالے سے انھیں کوئی ابہام نہیں ہونا چاہیئے انہوں نے کہا کہ ملک دھرناسیاست کی کسی صورت متحمل نہیں ہوسکا ہر دو تین سال بعد الیکشن ہوتے رہے تو اس سے ملک میں جمہوریت کو ناقابل تلافی نقصان پہنچ سکتا ہے اور دنیا میں بھی پاکستان کا کوئی اچھا امیج نہیں جائیگا کیونکہ عالمی دنیا پاکستان میں جمہوریت کے ساتھ کھڑی ہے ملک میں سیا سی انتشار کی کسی قوت کو اجازت نہیں دینگے اس سے تیسری قوت کو بھی موقع مل سکتا ہے پاکستان ایک جمہوری ملک ہے اسکی بقاء ائین قانون اور پارلیمنٹ کی بالادستی میں ہے اگر ہم نے ائین پر عمل کیا تو ملک ترقی میں زمین سے اسمان پر چلا جائیگا انہوں نے کہا کہ حلقہ این اے 258 کے تمام مسائل کا حل چاہتا ہوں عید بعد مسائل جاننے کیلئے اپنے حلقے کا دورہ کرکے اس سے آگاہی لینے تفصیلی وزٹ کرونگا