خانپور میں زیادتی سے بچنے کے لیے لڑکی کا تیزاب پینے کا معاملہ،واقعے میں لڑکیاں بھی ملوث نکلیں

دو لڑکیوں سمیت پانچ ملزمان کا گروہ لڑکیوں سے زیادتی میں ملوث ہے، متاثرہ لڑکی نے اہم انکشافات کر دئیے

مقدس فاروق اعوان جمعہ 17 جون 2022 14:31

خانپور میں زیادتی سے بچنے کے لیے لڑکی کا تیزاب پینے کا معاملہ،واقعے ..

خان پور ( اُردو پوائنٹ اخبارتازہ ترین ۔ 17 جون 2022ء) پنجاب کے علاقے خان پور میں انتہائی دلخراش واقعہ پیش آیا تھا جہاں معصوم غریب لڑکی نے اجتماعی زیادتی کا نشانہ بننے سے بچنے کیلئے تیزاب پی لیاتھا۔اب اس واقعے سے متعلق اہم انکشافات سامنے آئے ہیں۔میڈیا رپورٹس کے مطابق پولیس نے کہا ہے کہ دو لڑکیوں سمیت پانچ ملزمان کا گروہ لڑکیوں سے زیادتی میں ملوث ہے۔

ملزمان ضرورت مند لڑکیوں کو ملازمت کا جھانسہ دے کربلاتے ہیں اور ان کے ساتھ زیادتی کرتے ہیں۔متاثرہ لڑکیوں کو مختلف طریقے سے بلیک میل کرکے زیادتی پر مجبور کیا جاتا ہے۔متاثرہ لڑکی نے انکشاف کیا ہے کہ اور بہت سی لڑکیاں بھی ہیں جو عزت کے ڈر سے سامنے نہیں آ رہیں۔پولیس نے متاثرہ لڑکی کے بیان کی روشی میں تحقیقات کا آغاز کر دیا ہے۔

(جاری ہے)

پولیس کا کہنا ہے کہ جلد ملزمان کو پکڑنے میں کامیاب ہو جائیں گے۔

خیال رہے کہ خان پور میں درندہ صفت ملزمان نے نوکری کا جھانسا دے کر غریب لڑکی سے زیادتی کی کوشش کی تھی، تاہم لڑکی اپنی عزت بچانے کیلیے جان پر کھیل گئی اور تیزاب پی لیا۔ متاثرہ لڑکی کو تشویشناک حالت میں ریسکیو ٹیم نے ہسپتال منتقل کیا ہے جہاں وہ تاحال زیر علاج ہے۔ ہسپتال میں متاثرہ لڑکی نے پولیس کو دیے گئے بیان میں بتایا کہ پیزا شاپ کے مالک، منیجر اور ان کے ایک اور ساتھی نے اسے زیادتی کا نشانہ بنانے کی کوشش کی۔

تاہم اپنی عزت محفوظ رکھنے کیلئے جان دینے کا فیصلہ کرتے ہوئے تیزاب پی لیا۔ واقعے کے بعد سے پولیس کی جانب سے ملزمان کیخلاف کسی قسم کا ایکشن لینے کا کوئی اعلان نہیں کیا گیا۔ متاثرہ لڑکی کے والدین نے پولیس سے مطالبہ کیا ہے کہ ملزمان کو گرفتار کیا جائے۔ دوسری جانب شیخوپورہ میں 13 سالہ بیٹی کو زیادتی کا نشانہ بنانے والے شخص کو سزائے موت سنا دی گئی۔

عدات نے ملزم کو اپنی13سال کی بیٹی سے زیادتی کا جرم ثابت ہونے پر سزائےموت سنائی۔ مجرم کو 2 لاکھ روپے جرمانہ بھی کیا گیا اور جرمانہ نہ دینے پر 6 ماہ قید بھگتنا ہوگی۔ استغاثہ کے مطابق مجرم نے 21 جون 2021 کو گاؤں قانونگو میں اپنی 13سال کی بیٹی سے زیادتی کی تھی جس کے بعد بچی کی والدہ نے تھانہ ہاؤسنگ کالونی میں شوہر کے خلاف مقدمہ درج کرایا تھا۔