پرویز مشرف کو مکمل اعزاز کے ساتھ فوجی قبرستان میں سپرد خاک کردیا گیا

جنرل ساحر شمشاد،جنرل احسان الحق ،جنرل اسلم بیگ ،جنرل قمر جاوید باجوہ ،جنرل اشفاق کیانی کی شرکت خالد مقبول، مصطفی کمال، فاروق ستار، فروغ نسیم، امین الحق، فواد چوہدری، امیر مقام، عمران اسماعیل بھی نماز جنازہ میں شریک ہوئے

منگل 7 فروری 2023 18:43

کراچی (اُردو پوائنٹ اخبارتازہ ترین - این این آئی۔ 07 فروری2023ء) سابق صدر جنرل (ر)پرویز مشرف کو مکمل اعزاز کے ساتھ فوجی قبرستان میں سپرد خاک کردیا گیا ۔سابق صدر کی نماز جنازہ میں سیاسی، سماجی اور اعلی سول و فوجی قیادت نے شرکت کی۔تفصیلات کے مطابق سابق صدر پرویز مشرف کی نماز جنازہ کراچی کے گل مہر پولو گرانڈ ملیر کینٹ میں ادا کی گئی ۔سابق صدر سید رویز مشرف کے جنازے میں بیٹے بلال مشرف سمیت چیئرمین جوائنٹ چیف آف اسٹاف کمیٹی جنرل ساحر شمشاد، سابق جوائنٹ چیفس آف اسٹاف کمیٹی جنرل احسان الحق، سابق آرمی چیفس جنرل اسلم بیگ، جنرل قمر جاوید باجوہ اور جنرل اشفاق پرویز کیانی، سابق وفاقی سیکریٹری سید انور محمود ،ایم کیوایم پاکستان کے ڈپٹی کنوینئر خالد مقبول، مصطفی کمال، فاروق ستار، فروغ نسیم، امین الحق، فواد چوہدری، امیر مقام، عمران اسماعیل، سماجی شخصیت جاوید جبار، سابق چیئرمین ایف شبر زیدی اور دیگر نے شرکت کی ۔

(جاری ہے)

قبل ازیں سابق صدر کا جسد خاکی پرواز ایم ایل ایم 567 کے ذریعے پاکستان پہنچایا گیا۔ پرویز مشرف کے جسد خاکی کے ہمراہ اہلیہ، بیٹی اور بیٹا بھی وطن پہنچے۔واضح رہے کہ سابق آرمی چیف آف پاکستان اور صدر مملکت سید پرویز مشرف طویل علالت کے بعد اتوار 5فروری کی صبح دبئی کے اسپتال میں انتقال کر گئے تھے۔ ان کی عمر 79 برس تھی۔ملٹری پولیس کی بھاری نفری کے حصار میں ان کا تابوت کمبائنڈ ملٹری اسپتال ملیر کینٹ لے جایا گیا۔