جون میں کراچی میں پری مون سون بارشوں کا امکان

پیر 15 مئی 2023 19:37

اسلام آباد (اُردو پوائنٹ اخبارتازہ ترین - این این آئی۔ 15 مئی2023ء) موسمیاتی تجزیہ کار جواد میمن نے کہا ہے کہ جون میں کراچی میں پری مون سون بارشوں کا آغاز ہوسکتا ہے، جون میں سندھ اور جنوب مشرقی بلوچستان میں پری مون سون کی اچھی بارشیں متوقع ہیں۔

(جاری ہے)

اپنے بیان میں جواد میمن نے کہاکہ کراچی میں ابرآلود موسم کے باوجود حبس کی کیفیت ہے، بحیرہ عرب میں سمندری ہواؤں کی رفتار میں بھی اضافہ ہوا ہے، سمندری ہواؤں کے باعث نمی کا تناسب زائد رہتا ہے، نمی کا تناسب زائد ہونے سے گرمی کی شدت 4 سے 5 ڈگری زیادہ ہے۔

موسمیاتی تجزیہ کار کے مطابق جون میں کراچی میں پری مون سون بارشوں کا آغاز ہوسکتا ہے، سندھ اور جنوب مشرقی بلوچستان میں پری مون سون کی اچھی بارشیں متوقع ہیں، اس کے علاوہ پنجاب کے چند علاقوں میں بھی معمول سے زیادہ بارشیں متوقع ہیں۔جواد میمن نے کہا کہ ایل نینو سرگرم ہونے پر سندھ اور بلوچستان میں معمول سیکم بارشیں ہوسکتی ہیں۔

Facebook Twitter Google + Share on Whatsapp

جون میں کراچی میں پری مون سون بارشوں کا امکان

متعلقہ عنوان :

مزید موسم کی خبریں