پختونخوا کا بدترین لوٹا صوبہ میں آئندہ حکومت بنانے کے دعوے کررہا ہے، ایمل ولی خان
ہفتہ 7 اکتوبر 2023 21:02
(جاری ہے)
اختیار ملا تو اٹھارہویں آئینی ترمیم پر من و عن عملدرآمد کو یقینی بنائیں گے۔قوم نے اے این پی پر اعتماد کیا تو بجلی کی پیداوار کا حق لاہور سے پختونخوا واپس لائیں گے۔ پختون قوم کو اپنے وسائل پر اپنا اختیار چاہیئے تو اے این پی کے علاوہ کوئی اور راستہ نہیں۔
صوبائی صدر ایمل ولی خان کا کہنا تھا کہ یہاں ایسے لوگ بھی موجود ہیں جو کہتے ہیں ووٹ نہیں دیا تو نماز اور جنازہ کی بخشش نہیں کریں گے۔ یہ ایک حقیقت ہے کہ ہماری سرزمین پر مذہب کو بھی اپنے ذاتی مفادات کیلئے استعمال کیا گیا۔ پاکستان میں مسجد اور مدرسہ کے نام پر جو بلیک منی کا کاروبار ہورہا ہے، اسکی تحقیقات ہونی چاہیئے۔ یہ حقیقت ہے کہ جو بھی دہشتگرد پکڑا جاتا ہے، تعلق یا مدرسہ سے ہوگا یا کسی مسجد میں امام ہوگا۔ ہم ہر کسی کا احترام کرتے ہیں لیکن احترام کے دائرہ میں رہتے ہوئے حقیقت بیان کرتے رہیں گے۔ ایپکس کمیٹی کے حالیہ اجلاس میں افغان مہاجرین کی بیدخلی کے حوالے سے گفتگو کرتے ہوئے ایمل ولی خان نے کہا کہ نگراں حکومت افغان مہاجرین کے حوالہ سے کس حیثیت میں فیصلے کررہی ہی نگران حکومت کا کام فوری طور پر صرف اور صرف شفاف انتخابات کا انعقاد کرانا ہے۔ محسوس ہورہا ہے کہ نگران حکومت کا نام استعمال کرکے فیصلے کہیں اور کئے جارہے ہیں۔ آپ کو اگر افغان مہاجرین سے تکلیف ہے تو پھر تمام مہاجرین کیلئے یکساں پالیسی بنائے۔ اگر افغان مہاجرین کو یہاں رہنے کا حق نہیں تو پھر کشمیر اور ہندوستان کے مہاجرین کو بھی یہاں رہنے کا حق نہیں۔ افغان مہاجرین یہاں نہیں رہ سکتے تو پھر اسامہ بن لادن اور اسکے اولاد کو بھی یہاں رہنے کا حق نہیں۔ انہوں نے کہا کہ افغانوں کو مجبور کرکے یہاں لایا گیا، وہاں جو آگ لگی ہے اس کا آغاز جنرل ضیا الحق نے کیا تھا۔ افغانستان کی تباہی کا سب سے بڑا ذمہ دار پاکستان کی اسٹیبلشمنٹ ہے۔ چالیس سال قبل افغان مہاجرین کا ریاست پھولوں کے ساتھ استقبال کررہی تھی کیونکہ اس وقت انکے نام پر پیسہ کمانا تھا۔ افغان قوم کو یہاں آئین اور قانون کے تحت زندگی بسر کرنے کا موقع دیا جائے۔ افغان قوم کیلئے ہر پلیٹ فارم پر آواز اٹھانے والے باچا خان کے پیروکار ابھی زندہ ہیں۔ ورکرز کنونشن سے چیئرمین صوبائی الیکشن کمیشن و ضلعی صدر شکیل بشیر خان عمرزئی، امیدوار پی کے 65 شہزادالدین اور رکن مرکزی کمیٹی قاسم علی خان نے بھی خطاب کیا۔مزید قومی خبریں
-
فیصل جاوید اور انسداد دہشتگردی عدالت کے جج میں خوشگوار مکالمہ
-
بانی پی ٹی آئی سمجھتے ہیں کہ وہ بات نہیں کرنی چاہیے جو ملک اور اداروں کیلئے بہتر نہ ہو، وزیر اعلی خیبرپختونخوا علی امین گنڈاپور
-
پیپلز پارٹی کو صرف سندھ تک محدود جماعت کہنے والے آج خود ایک صوبے تک محدود ہو چکے ہیں، فیصل کریم کنڈی
-
وزیراعلی خیبر پختونخوا کے خلاف اسلحہ، شراب برآمدگی کیس کی سماعت ملتوی
-
پی ٹی آئی والے دوبارہ فوج کو سیاست میں دھکیل رہے ہیں، فیصل کنڈی
-
محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی کا محاذ سنبھال لیا
-
دریائوں اور آبی ذخیروں میں پانی کی صورتحال
-
تھائی لینڈ سے غیر قانونی درآمد 200نایاب کچھوے برآمد
-
پاکستان کو پرامن محفوظ اور مستحکم بنائیں گے،خواجہ سعد رفیق
-
پاکستان سمیت دنیا بھر میں فائر فائٹرز کا عالمی دن 4 مئی کو منایا جائے گا
-
پنجاب میں مزید بارشیں متوقع، وزیراعلیٰ کا پیشگی حفاظتی اقدامات کا حکم
-
وفاقی وزیرداخلہ کا اسلام آباد میں امن عامہ کو بہتر بنانے ،جرائم پیشہ ،کا منشیات کی خرید و فروخت میں ملوث گینگز کے خلاف بھرپور کریک ڈاؤن کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.