انتخابات میں (ن) کی کامیابی سو فیصد کامیابی یقینی ہے ،سکندر نثار گیلانی

مظفر آباد (اُردو پوائنٹ اخبارتازہ ترین - این این آئی۔ 20 نومبر2023ء) میئر بلدیہ سید سکندر نثار گیلانی نے کہا ہے کہ پاکستان کے انتخابات میں مسلم لیگ ن کی سو فیصد کامیابی یقینی ہے میاں محمد نواز شریف وزیراعظم پاکستان ہوں گے اور ملک کو معاشی بحران سے نجات ملے گی عالمی سطح پر ایک بار پھر پاکستان کا وقار بلند ہو جائے گا انہوں نے کہا کہ نواز شریف کی حکومت کو سازش کے تحت ختم کیا گیا اور پھر ملک میں عمرانی تجربہ ہوا جس نے ملک کو تباہی کے دہانے پر پہنچا دیا ملک میں مہنگائی ، افرا تفری عمرانی تجربہ کا نتیجہ ہے انہوں نے کہا کہ 2021کے الیکشن میں آزاد کشمیر کے انتخابات چوری کیے گئے میں یہاں دھاندلی سے پی ٹی آئی کی حکومت بر سر اقتدار آئی اور پھر خود ہی دو وزراء اعظم انجام کو پہنچ گئے انہوں نے کہا کہ کارکن محنت کریں آئندہ الیکشن کی تیاری شروع کردیں ہمارے دروازے عوام اور پھر کارکنوں کیلئے ہر وقت کھلے ہیں ہم عوامی خدمت کا جذبہ اور مشن لے کر میدان میں اُترے ہیں کوشش ہے کسی کو بھی مایوس نہ کیا جائے ان خیالات کا اظہار انہوں نے وارڈ 16کے سیکرٹری اطلاعات ہارون خان جدون کی قیادت میں ملنے والے طارق آباد وارڈ 16کے وفد سے گفتگو کے دوران کیا وفد میں حفیظ قریشی ، فیضان قریشی ، حسنین محمود قریشی ، مدثر قریشی ،عمیر چوہدری ، آکاش چوہدری ، محمد وحید ، وجاہت خواجہ ، عبداللہ اعوان ، علی مغل ، اُسامہ قریشی ، طارق مغل ‘اظہر اعوان ودیگر شامل تھے اس موقع پر مسلم لیگ ن سٹی کے سینئر نائب صدرسید ارشد گیلانی ، اپر طارق آباد کے صدر سید قدیر گیلانی بھی موجود تھے۔

(جاری ہے)

جماعتی کارکنوں نے سکندر گیلانی کو مسائل سے آگاہ کیا اس موقع پر سکندر گیلانی نے کہا کہ کارکنوں اور قیادت کے درمیان محبت اور احترام کا رشتہ ہوتا ہے اور یہ بڑی پیاری بات ہے کے دونوں کے درمیان شکوے وشکایات بھی ہوتے ہیں ہم کارکنوں کے شکوے دورے کریں گے آئندہ خود سکیموں اور ترقیاتی کاموں کی نگرانی کریں گے ، ان شاء اللہ وارڈ 16سمیت حلقہ تین کے تمام مسائل کا خاتمہ کریں گے ‘ ہر کسی کی خواہش پر پورا ُترنا کسی کیلئے بھی ممکن نہیں لیکن اجتماعی عوامی مفاد کیلئے ہر ممکن وسائل بروئے کار لائیں گے کارکنوں نے سکندر نثار گیلانی کو بتایا مسلم لیگ کی حکومت نے طارق آباد وارڈ کیلئے وافر فنڈز مہیا کیے لیکن ماضی میں لوگوں نے فنڈز کو اپنے مقاصد کیلئے استعمال کیا اور عوام کو محروم رکھا اور الیکشن میں بھی دوسری جماعتوں کا ساتھ دیا مسلم لیگ سے فنڈز اور سکیمیں لے کر دوسری جماعتوں کی انتخابی مہم چلاتے رہے جس پر سکندر نثار گیلانی نے کہا کہ ماضی میں جو ہوا وہ ضرور افسوس ناک ہے لیکن سیاست کے میدان میں اعتماد کیا جاتا ہے اگر قیادت کو کوئی دھوکہ دے تو وہ خود ہی قصہ ِ پارینہ بن جاتا ہے ہم نے سیاسی کمٹمنٹ کے ساتھ قیادت سے وفاء کرنی ہے اور پھر یہ کہ عوام کے حقوق کا تحفظ کرنا ہے اگر ہم ماضی کی زیادتیوں کو ذہن میں رکھیں گے تو مستقبل کو درخشاں نہیں بنا سکتے اس لیے ماضی کے معاملات کو بالائے طاق رکھ کر مستقبل سے متعلق منصوبہ بندی کرنا ہوگی اس موقع پر وفد نے سکندر نثار گیلانی کو بتایا کہ آئند ہ چند دن کے اندر طارق آباد وارڈز 16سے کارکنوں کی بڑی تعداد مسلم لیگ ن میں واپس آرہی ہے ان شاء اللہ