ن لیگ کہتی ہے ہم اسٹیبلشمنٹ کے لوگ ہیں ، پھر چیئرمین پی ٹی آئی کو برا بھلا کیوں کہتی ہے خورشید شاہ

پیر 27 نومبر 2023 21:15

اسلام آباد (اُردو پوائنٹ اخبارتازہ ترین - آن لائن۔ 27 نومبر2023ء) پیپلز پارٹی کے رہنما خورشید شاہ نے کہا ہے کہ نوازشریف نے 2014 میں سلوگن دیا تھا ، ووٹ کو عزت دو، کیا اب دے رہے ہیں، آپ کے لوگ تو کہہ رہے ہیں کہ ہم اسٹیبلمشنٹ کے لوگ ہیں، ن لیگ والے پھر چیئرمین پی ٹی آئی کو کیوں برا کہتے ہیں ۔

(جاری ہے)

میڈیا سے گفتگو کرتے ہوئے سید خورشید شاہ کا کہنا تھا کہ بلاول بھٹو وزیر اعظم کے امیدوار ہیں،آصف زرداری نے جو کہا اسے سمجھنے کی ضرورت ہے، پارٹی کا فیصلہ سی ای سی کرتی ہے، بعض تناظر میں آصف زرداری نے ایسا کہا ہے کہ وہ امیدوار نہیں۔

خورشید شاہ نے مزید کہا کہ ہم نظریاتی سیاست کرتے ہیں، ہمارے لیڈرنے جو وعدے کیے وہ پورے کیے ، کوئی اور جماعت بتا دیں جس نے اپنے منشور پر عمل کیا ہو، ایم کیو ایم اقتدار میں رہی اب ووٹ کیلئے جا رہی ہے تو کچھ ڈرامہ تو کرے گی۔انہوں نے کہا کہ کراچی سے پشاور موٹر وے بننی چاہیے تھی ،سندھ میں ابھی تک موٹروے نہیں بنی