cبلاول بھٹو وزارتِ عظمیٰ کے امیدوار ہیں،خورشید شاہ

پیر 27 نومبر 2023 20:30

لله*سکھر(اُردو پوائنٹ اخبارتازہ ترین - آن لائن۔ 27 نومبر2023ء) پیپلز پارٹی کے رہنما خورشید شاہ کا کہنا ہے کہ بلاول بھٹو وزارتِ عظمیٰ کے امیدوار ہیں، زرداری نے جو کہا ہے اسے سمجھنے کی ضرورت ہے۔پی پی رہنما خورشید شاہ نے سکھر کی احتساب عدالت کے باہر میڈیا سے گفتگو کرتے ہوئے کہا کہ ، یہ ووٹ کو عزت دو والا نہیں پارٹی کا مسئلہ ہے۔انہوں نے کہا کہ اگر زرداری اعلان کر دیں گے تو طریقہ کار تبدیل ہو جائے گا، اس تناظر میں زرداری نے ایسا کہا ہے کہ وہ امیدوار نہیں ہیں۔

خورشید شاہ کا کہنا ہے کہ ہم نظریاتی سیاست کرتے ہیں، ہمارے لیڈرز نے جو وعدے کیے وہ مکمل کیے، کوئی اور جماعت بتا دے کہ اس نے اپنے منشور پر عمل کیا ہوان کا کہنا ہے کہ ہمیں کراچی سے پشاور تک موٹر وے بنانا چاہیے تھی، سندھ میں ابھی تک موٹروے نہیں بنی، ایم کیو ایم اقتدار میں رہی، اب ووٹ کے لیے جا رہی ہے تو کچھ ڈرامہ تو کرے گی، کراچی ہمارا اور ہم کراچی کے ہیں۔

(جاری ہے)

پی پی رہنما کا کہنا ہے کہ نوازشریف نے 2014ء میں سلوگن دیا تھا کہ ووٹ کو عزت دو، کیا وہ دے رہے ہیں ان کے لوگ تو کہہ رہے ہیں کہ ہم اسٹیبلشمنٹ کے لوگ ہیں، اسٹیبلشمنٹ ہمارے ساتھ ہے، فری اینڈ فیئر انتخابات الیکشن کمیشن کے لیے چیلنج ہیں۔قبل ازیں پی پی رہنما خورشید شاہ پر آمدن سے زائد اثاثہ جات کیس کی سماعت سکھر کی احتساب عدالت میں ہوئی۔دورانِ سماعت خورشید شاہ اور ان کے صاحبزادے فرخ شاہ سمیت دیگر نامزد ملزمان احتساب عدالت میں پیش ہوئے۔احتساب عدالت میں 2 گواہان کے بیان قلم بند کرنے کے بعد سماعت 11 دسمبر تک ملتوی کر دی گئی۔واضح رہے کہ خورشید شاہ اور ان کے اہلِ خانہ پر 1 ارب 23 کروڑ روپے سے زائد کے اثاثے بنانے کا الزام ہی

Facebook Twitter Google + Share on Whatsapp

cبلاول بھٹو وزارتِ عظمیٰ کے امیدوار ہیں،خورشید شاہ

متعلقہ عنوان :

مزید قومی خبریں