نوازشریف ملکی استحکام اور خوشحالی کی ضمانت ہیں،عدالتیں انصاف فراہم کرتیں تو ملک آج اس نہج پر نہ ہوتا،سازشوں کا دور ختم ہوچکا،جمشید اخترشیخ

!اسلام آباد(اُردو پوائنٹ اخبارتازہ ترین - آن لائن۔ 03 دسمبر2023ء) پاکستان مسلم لیگ(ن) کی مرکزی مجلس عاملہ کے رکن و مسلم لیگ ٹریڈرز ونگ اسلام آباد کے صدروحلقہ این ای47اسلام آباد سے امیدوار قومی اسمبلی جمشید اخترشیخ نے کہاہے کہ سابق وزیراعظم ملکی معیشت کی بہتری اور مستحکم پاکستان کی ضمانت ہیں، پاکستان کی عدالتیں سابق وزیراعظم کوانصاف دیتیں تو ملک ترقی کی پر گامزن ہوتا، ،قائد عوام کے دور میں ملک نے ترقی کی منزلیں عبور کیں،موٹرویز،سکول کالجز سڑکیں میگاپراجیکٹس میاںنوازشریف کے مرہون منت ہیں،آئین اور قانون کی بالادستی اور مخلص قیادت سے ہی سیاسی استحکام ممکن ہے، سابق دور میں جمہوریت، نظام انصاف کو تباہ کیاگیا، بہتر نظام اور لائحہ عمل کواپنانے سے مسائل حل ہوں گے، جس کیلئے قائدعوام میاںنوازشریف سے بڑھ کر کوئی قیادت نہیں ہے۔

(جاری ہے)

مسلم لیگی رہنما جمشید اخترشیخ نے مزید کہاکہ ایون فیلڈ ریفرنس میں قائد میاں نوازشریف کی بے گناہی ثابت ہوئی ہے اور انہیں دیر سے سہی لیکن بالآخر عدالتوں سے انصاف مل گیا۔پی ٹی آئی کے دور میں پوری مسلم لیگ(ن) پر بوگس مقدمات قائم کئے گئے اور شریف خاندان کو بدترین انتقام کانشانہ بنایاگیا۔اللہ تعالیٰ کے فضل وکرم سے قائدمیاں نوازشریف اور پارٹی اور ان کاخاندان تمام مقدمات میں سرخرو ہوگا۔

انہوںنے کہاکہ ہنستے بستے اور خوشحال پاکستان میں ایک سازش کے تحت عمران نیازی کی حکومت کو سلیکٹ کیاگیا جس کا خمیازہ آج پوری ملک اور قوم بھگت رہی ہے،اللہ تعالیٰ بہتر انصاف کرنے والا ہے ،ہمت ، جرات ،استقامت اور اپنے رب کریم پر کامل یقین رکھنے والے میاں نوازشریف سرخرو ہوئے،اس پر ہم اپنے قائد میاں نوازشریف اور صدر میاںشہبازشریف،مریم نواز اور دیگر مرکزی قیادت سمیت قوم کو دلی مبارکباد پیش کرتے ہیں۔

جمشید اخترشیخ نے مزید کہاکہ قائدعوام میاں نوازشریف نے کہاتھا کہ میں اپنافیصلہ اللہ تعالیٰ پر چھوڑتاہوں اور آج کئی سال بعد حق و سچ کا بول بالاہوا اور سابق وزیراعظم نہ صرف قوم کے سامنے سرخروہوا بلکہ پوری دنیا بھر میںسرخرو ہوئے ،انشاء اللہ آنے والاوقت مسلم لیگ(ن) کا ہے، 2024ء کے انتخابات میں مسلم لیگ(ن) بھاری اکثریت سے کامیابی حاصل کرے گی اور اللہ تعالیٰ کے فضل وکرم سے میاں نوازشریف چوتھی مرتبہ پاکستان کے وزیراعظم منتخب ہونگے اوراُن کی قیادت میں جہاں سے ترقی و خوشحالی کاسفر رکاتھا وہاں سے دوبارہ شروع کرکے ملکی معیشت مستحکم اور ملک تعمیروترقی و خوشحالی کی جانب گامزن ہوگا۔