سردی سے قبل ہی گیس کی لوڈ شیڈنگ ،شہری سلنڈر، لکڑیوں اور کوئلے پر کھانا پکانے لگے

منگل 5 دسمبر 2023 23:13

سکھر(اُردو پوائنٹ اخبارتازہ ترین - این این آئی۔ 05 دسمبر2023ء) سردی سے قبل ہی گیس کی لوڈ شیڈنگ کا سلسلہ جاری ، چولہے ٹھنڈے ہوگئے،شہری سلنڈر، لکڑیوں اور کوئلے پر کھانا پکانے لگے، گھریلوں و کاروباری سرگرمیاں مفلوج ،شہری و سماجی حلقوں میں تشویش کی لہر ، بالا حکام سے نوٹس لینے کا مطالبہ تفصیلات کے مطابق موسم سرما کی آمد سے قبل ہی سوئی گیس انتظامیہ نے اپنا رنگ دیکھانا شروع کر دیا ہے سوئی گیس کی لوڈ شیڈنگ ، بندش کے بعد گیس پریشر کی کمی نیناصرف گھریلوں بلکہ کاروباری زندگی کو بھی بری طرح مفلوج کر رکھا ہے ،لوگ گیس سلنڈر، لکڑیوں اور کوئلوں پر گذرا کرنے پر مجبور دیکھائی دے رے ہیں ، سکھر میں گیس کی لوڈ شیڈنگ ، گیس پریشر میں کمی ، بندش پر سکھر کے شہری و سماجی حلقوں کے نمائندگان راجپوت بندھانی ویلفئیر کے حاجی شریف بندھانی ،پی ٹی آئی رہنما میڈم صفیعہ بلوچ ،ہوسی چئیرمین مختہار کھوکھر ،سکھر بلڈر ایسوسی ایشن کے عمران بندھانی ،یاسین آرائیں ،مولانا عبید اللہ بھٹو ،قاری لیاقت علی مغل ،خورشید احمد میرانی و دیگر نے گہری تشویش کا اظہار کرتے ہوئے کہا کہ سکھر اور اسکے گردنواح میں موسم سرما کی آمد سے قبل ہی سوئی گیس کی بندش نے عوام کی زندگی اجیرن بنا کر رکھ دی ہے ،گیس کی بدترین بندش سے گھروں کے چولہے ٹھنڈے پڑگئے ،طالب علم اور دفتر، فیکٹریز میں جانے والے افراد ناشتہ سے بھی محروم ہوکر رہ گئے ہیں صبح ، شام اور رات کے وقت گیس پریشر انتہائی کم ہوجاتا ہے محکمہ سوئی گیس کی طرف سے موسم کے تبدیل ہوتے ہی لوڈشیڈنگ اپنے عروج پر ہے سخت سرد ی میں کیا حال ہوگا عوامی احتجاج اور تحریری شکایت کے باوجود سوئی گیس حکام،افسران اور عملے کے کانوں میں جوں تک نہیں رینگ رہی ہے، شہری و سماجی حلقوں نے چیف جسٹس آف پاکستان،وزیر اعظم پاکستان ،صوبائی وزیر پیٹرولیم معدنی وسائل سمیت سوئی سدرن گیس کمپنی کے بالا حکام سے سکھر میں سوئی گیس پریشر میں کمی،لوڈشیڈنگ اور مصنوعی بندش کا نوٹس لیکر شہریوں کو پریشانیوں سے نجات دلانے کا پرزور مطالبہ کیا ہے۔