ملک اجاڑنے والا جیل میں بیٹھا ہے، ملک اناڑی کو دینے کا انجام سب نے دیکھ لیا، احسن اقبال

غ* جو دوسروں کو چور ڈاکو کہتا تھا وہ 60 ارب کا ڈاکہ ڈال کے چلا گیا،جلسے سے خطاب

اتوار 10 دسمبر 2023 22:55

ذ*ظفروال (اُردو پوائنٹ اخبارتازہ ترین - آن لائن۔ 10 دسمبر2023ء) مسلم لیگ ن کے سینئر رہنما احسن اقبال نے کہا کہ ملک کو اجاڑنے والاآج اڈیالہ جیل میں بیٹھا ہوا ہے، ملک اناڑی کے حوالے کرنے کا انجام سب نے دیکھ لیا۔مسلم لیگ ن کے سینئر رہنما احسن اقبال نے ظفروال میں کارنر میٹنگ سے خطاب کرتے ہوئے کہا کہ حلقہ پی پی 54 کو تعلیم و تربیت اور ترقی کی راہ پر گامزن کرنا چاہتے ہیں، نوازشریف نے ہمیشہ ملک کو ترقی کی راہ پر گامزن کیا، وازشریف نے ملک میں بجلی کی کمی کو پورا کیا۔

احسن اقبال نے کہا کہ غریب آدمی سارا دن محنت مزدوری کرکے رات کو بجلی نہ ہونے کی وجہ سے سو نہیں سکتا تھا، نوازشریف نے ملک میں سڑکوں کے جال بچھائے، مشرف دور میں ہم پر مقدمات کی بھرمار کر دی گئی لیکن ہم نے ہمت اور حوصلہ نہیں چھوڑا، مسلم لیگ ن کا ساتھ دیا۔

(جاری ہے)

مسلم لیگ ن کے سینئر رہنما نے کہا کہ سابق چیئرمین پی ٹی آئی نے بھی ہم پر ناجائز مقدمات بنائے، سابق چیئرمین پی ٹی آئی نے اپنی نااہلی کے باعث ملک کو مہنگائی کی دلدل میں پھینک دیا۔

احسن اقبال نے مزید کہا کہ لوگ تو اپنی موٹرسائیکل کی چابی کسی اناڑی ڈرائیور کے حوالے نہیں کرتے، نارووال کی طرح ظفروال میں بھی تعلیم و ترقی ہو گی۔پاکستان مسلم لیگ (ن) کے رہنما احسن اقبال نے کہا ہے کہ نواز شریف نے جب بھی ملک میں ترقی کی کوشش کی ان کو سازش کے تحت ہٹا دیا گیا، جو دوسروں کو چور ڈاکو کہتا تھا وہ 60 ارب کا ڈاکہ ڈال کے چلا گیا۔ظفر وال میں جلسے سے خطاب کرتے ہوئے احسن اقبال نے کہا کہ نواز شریف نے ملک سے لوڈ شیڈنگ کو ختم کیا، نواز شریف کی کوششوں سے پاکستان کا امن بحال ہوا۔انہوں نے کہا کہ جب بھی مسلم لیگ (ن) کی حکومت آئی، پاکستان نے ترقی کی، پاکستان تحریک انصاف (پی ٹی آئی) والے گرفتار ہو کے آئی،آئی، کرنے لگے ہیں۔۔