خواہش ہے پرویزالٰہی باہرآئیں اور الیکشن لڑیں: چوہدری شافع حسین

منگل 9 جنوری 2024 22:28

لاہور(اُردو پوائنٹ اخبارتازہ ترین - آن لائن۔ 09 جنوری2024ء) مسلم لیگ(ق)کے سربراہ چوہدری شجاعت حسین کے صاحبزادے چوہدری شافع حسین نے کہا ہے کہ میری ذاتی خواہش ہے کہ پرویز الہی باہر آئیں اور الیکشن لڑیں۔ایک بیان میں چوہدری شافع حسین نے کہا کہ ہمیشہ یہی کہا ہے کہ چوہدری برادران کو اکٹھے چلناچاہیے، میری ذاتی خواہش ہے کہ پرویز الہی باہر آئیں اور الیکشن لڑیں۔

(جاری ہے)

انہوں نے کہا کہ ہم نے این اے 62 اور 63 پر مسلم لیگ(ن)کیساتھ سیٹ ایڈجسٹمنٹ سے انکارکیا ہے۔واضح رہے کہ گزشتہ روز الیکشن ٹربیونل نے ریٹرننگ افسر کا نااہلی کا فیصلہ برقرار رکھتے ہوئے سابق وزیراعلی پنجاب چوہدری پرویز الہی اور ان کی اہلیہ قیصرہ الہی کو الیکشن لڑنے کے لیے نااہل قرار دیا تھا۔تحریک انصاف کے مرکزی صدر چوہدری پرویز الہی اور ان کی اہلیہ قیصرہ الہی نے قومی اسمبلی کے حلقہ این اے 59 اور پنجاب اسمبلی کی نشست پی پی 23 سے کاغذات نامزدگی مسترد کرنے کا ریٹرننگ افسر کا فیصلہ چیلنج کیا تھا۔