الیکشن کمیشن کو قومی اسمبلی کے 266 حلقوں میں سے 264 کے غیر سرکاری نتائج موصول

آزاد امیدوار 101 نشستوں کے ساتھ سرفہرست ہیں ،مسلم لیگ (ن )75 نشستوں کے ساتھ دوسرے نمبر پر ہے ، پیپلز پارٹی نے 54سیٹیں حاصل کرلیں

اتوار 11 فروری 2024 14:30

اسلام آباد (اُردو پوائنٹ اخبارتازہ ترین - این این آئی۔ 11 فروری2024ء) الیکشن کمیشن کو قومی اسمبلی کے 266 حلقوں میں سے 264 کے غیر سرکاری نتائج موصول ہوگئے۔ غیر سرکاری نتائج کے مطابق آزاد امیدوار 101 نشستوں کے ساتھ سرفہرست ہیں ،مسلم لیگ (ن )75 نشستوں کے ساتھ دوسرے نمبر پر ہے۔

(جاری ہے)

قومی اسمبلی میں پیپلز پارٹی 54 جبکہ ایم کیو ایم 17، جے یو آئی 4 اور پاکستان مسلم لیگ ق 3 نشستوں پر کامیاب ہوئی ہیں۔

استحکام پاکستان پارٹی اور بلوچستان نیشنل پارٹی دو دو نشستوں پر کامیاب ہوئی ہیں۔علاوہ ازیں نیشنل پارٹی، بلوچستان عوامی پارٹی، پختونخوا ملی عوامی پارٹی، پختونخوا نیشنل عوامی پارٹی، مسلم لیگ ضیا اور ایم ڈبلیو ایم ایک ایک نشست جیت سکیں۔یاد رہے کہ قومی اسمبلی کے حلقہ این اے 88 خوشاب کا نتیجہ روک دیا گیا ہے جبکہ این ای8 باجوڑ پر پولنگ ملتوی ہے۔