امسال ایکسپورٹ ہدف 4بلین ڈالرز سے بڑھایا جائے ، گورنرسندھ

منگل 14 اکتوبر 2025 21:57

کراچی (اُردو پوائنٹ اخبارتازہ ترین - این این آئی۔ 14 اکتوبر2025ء) گورنر سندھ کامران خان ٹیسوری نے کہا ہے کہ پاکستان کے چاول کا دنیا میں کوئی ثانی نہیں، امسال ایکسپورٹ ہدف 4 بلین ڈالرز سے بڑھایا جائے۔ ایکسپورٹرز کو فائدہ ہوا مگر ایکسپورٹ کو وہ فروغ نہیں ملا جو وقت کی ضرورت ہے۔ ان خیالات کا اظہا رانہوں نے رائس ایکسپورٹرز ایسوسی ایشن آف پاکستان کے ایوارڈز تقریب میں بطورِ مہمانِ خصوصی خطاب کرتے ہوئے کیا ۔

(جاری ہے)

تقریب میں عقیل کریم ڈیڈی، زبیر موتی والا، ریئر ایڈمرل (ریٹائرڈ) سید معاظم ایاز سمیت دیگر ممتاز شخصیات کو گولڈ میڈل دئیے گئے۔گورنر سندھ نے بزنس کمیونٹی کے مسائل کے حل کی یقین دہانی کرائی ۔ انہوں نے کہا کہ سندھ واحد صوبہ ہے جہاں گورنر ہاؤس عوام کے لیے 24 گھنٹے کھلا ہے۔ انہوں نے مزید کہا کہ گورنر انیشیٹیوز کے تحت راشن کی تقسیم، ‘‘امید کی گھنٹی’’ پر فوری دادرسی اور مفت آئی ٹی کورسز جاری ہیں۔