وفاقی وزیر برائے امور کشمیر و سیفران انجینئر امیر مقام کی وزارت امور کشمیر میں آمد

بدھ 3 اپریل 2024 22:09

اسلام آباد(اُردو پوائنٹ اخبارتازہ ترین - آن لائن۔ 03 اپریل2024ء) وفاقی وزیر برائے امور کشمیر و سیفران انجینئر امیر مقام کی وزارت امور کشمیر میں پہلے روز آمد ہوئی ہے ۔سیکرٹری وزارت امور کشمیر جواد رفیق ملک نے وزارت امور کشمیر کے جاری منصوبوں اور آزادکشمیر ،گلگت بلتستان سے متعلق امور پر تفصیلی بریفننگ دی۔

(جاری ہے)

وزارت امور کشمیر کے اعلیٰ حکام کی گلگت بلتستان کو سبسڈائزڈ گندم کی فراہمی کی صورتحال اور ترسیل کے طریقہ کار پر بھی بریفنگ دی وفاقی وزیر انجینئر امیر نے کہا کہ وزارت امور کشمیر میں وزیراعظم کی جانب سے جاری کیے کفایت شعاری سے متعلق احکامات پر سختی سے عملدرآمد کیا جائے،گلگت بلتستان میں بسنے والے افراد بھی پاکستانی ہیں ان کے حقوق کا ہر لحاظ سے خیال رکھا جائے۔

گلگت بلتستان کو وفاقی حکومت کی جانب مقرر کردہ کوٹہ کے مطابق گندم کی فراہمی یقینی بنائی جائے ، امیر مقام کی وزارت کی اعلیٰ افسران کو ہدایت،انہوں نے کہا کہ گلگت بلتستان میں گندم کی کسی قسم کی قلت نہیں ہونی چاہئیے،آزاد کشمیر کے عوام کے حقوق کا تحفظ بھی ہر قیمت پر کیا جائے گا،آزاد کشمیر کی حکومت کے ساتھ ملکر کشمیری عوام کی فلاح و بہبود کے کام کرینگے، امیر مقام کا اجلاس کے شرکائ سے اظہار خیال۔