اپ ڈیٹ

(کوئٹہ، نوشکی کے علاقے میں 2مختلف واقعات میں پنجاب سے تعلق رکھنے والے 9افراد سمیت 11افراد کو قتل، 3کو زخمی کر دیا 4کوچ سے اتار کر اغوا کر کے قتل ہونے والے مسافروں کی لاشیں قریبی پہاڑی کے قریب پل کے نیچے سے مل گئیں 9افراد کی پولیس لائن کوئٹہ میں نماز جنازہ ادا کر دی گئی

ہفتہ 13 اپریل 2024 18:50

>کوئٹہ (اُردو پوائنٹ اخبارتازہ ترین - آن لائن۔ 13 اپریل2024ء) نوشکی کے علاقے میں 2مختلف واقعات میں پنجاب سے تعلق رکھنے والے 9افراد سمیت 11افراد کو قتل جب کہ 3کو زخمی کر دیا گیا،کوچ سے اتار کر اغوا کر کے قتل ہونے والے مسافروں کی لاشیں قریبی پہاڑی کے قریب پل کے نیچے سے مل گئیں 9افراد کی پولیس لائن کوئٹہ میں نماز جنازہ ادا کر دی گئی،ڈپٹی کمشنر نوشکی کے مطابق نوشکی کے مقام پر گزشتہ شب قومی شاہراہ پر ایک بس سے مسلح افراد نے 9 مسافروں کو اغوا کیا اور انہیں قریبی پہاڑوں کی جانب لے گئے۔

(جاری ہے)

ضلعی انتظامیہ کا کہنا ہے کہ مسافر بس کوئٹہ سے تفتان جارہی تھی،بعد ازاں پولیس نے بتایا کہ نوشکی سے اغوا کیے جانے والے 9 مسافروں کی لاشیں پہاڑی کے قریب پل کے نیچے سے ملی ہیں ، مرنے والوں کا تعلق صوبہ پنجاب کے علاقو ں منڈی بہاؤ الدین،گوجرانوالہ اور وزیرآباد سے بتایا جاتا ہے پولیس کے مطابق کسی اغوا کار کو ہلاک یا گرفتار کرنے کی تصدیق نہیں ہوسکی،علاوہ ازیں نوشکی میں قومی شاہراہ پر گاڑی پر فائرنگ کے ایک اور واقعے میں 2 افرادجاں بحق اور 3 زخمی ہوئے ڈی سی نوشکی نے بتایا کہ ایک جاں بحق شخص رکن صوبائی اسمبلی کا رشتے دارہے دوسری جانب وزیراعلیٰ بلوچستان سرفرازبگٹی نے نوشکی میں فائرنگ سے 11 افرادکے قتل کی مذمت کرتے ہوئے کہا ہے کہ واقعے میں ملوث دہشت گردوں کو معاف نہیں کیا جائے گا، معصوم افراد پر حملوں میں ملوث دہشت گردوں کا پیچھا کریں گے، دہشت گردی کے واقعات کا مقصد بلوچستان کے امن کوسبوتاژ کرنا ہے نوشکی میں مارے جانے والے 9افراد کی لاشین کوئٹہ سول ہسپتال منتقل کی گئیں اور ضروری کا روائی کے بعد انکی نما ز جنازہ پولیس لائن کوئٹہ میں ادا کر دی گئی جس کے بعد لاشیں ان کے آبائی علاقوں کو روانہ کر دی گئیں ۔

Facebook Twitter Google + Share on Whatsapp

اپ ڈیٹ

متعلقہ عنوان :

مزید اہم خبریں