متحدہ عرب امارات کا پاکستان میں 10بلین ڈالر سرمایہ کاری کرنا خوش آئند ہے، رانا مشہود خان

جمعہ 24 مئی 2024 17:18

اسلام آباد (اُردو پوائنٹ اخبارتازہ ترین - اے پی پی۔ 24 مئی2024ء) وزیراعظم یوتھ پروگرام کے چیئرمین رانا مشہود احمد خان نے کہا ہے کہ متحدہ عرب امارات کا پاکستان میں 10بلین ڈالر سرمایہ کاری کرنا خوش آئند ہے، وزیراعظم ملک کے لئے بیرونی سرمایہ کاری لانے میں اہم کردار ادا کر رہے ہیں۔

(جاری ہے)

جمعہ کو اپنے ایک بیان میں انہوں نے کہا کہ دوست ممالک پاکستان میں سرمایہ کاری کے خواہاں ہے، پاکستان میں سرمایہ کاری کے لئے بیرونی سرمایہ کاروں کا اعتماد بحال ہو رہا ہے۔ انہوں نے کہا کہ گذشتہ ماہ سعودی عرب حکومت نے بھی پاکستان میں سرمایہ کاری کے عزم کا اظہار کیا تھا، ان تمام اقدامات سے ملک کی معیشت کو بحال کرنے میں مدد ملے گی۔