جنوبی پنجاب،بالائی خیبرپختونخوا ، گلگت بلتستان اور کشمیر میں چند مقامات پر آندھی اور گرج چمک کے ساتھ بارش کا امکان ،محکمہ موسمیات

ہفتہ 8 جون 2024 23:07

اسلام آباد (اُردو پوائنٹ اخبارتازہ ترین - اے پی پی۔ 08 جون2024ء) آئندہ چوبیس گھنٹوں کے دوران جنوبی پنجاب،بالائی خیبرپختونخوا ، گلگت بلتستان اور کشمیر میں چند مقامات پر آندھی اور گرج چمک کے ساتھ بارش کا امکان ہے تاہم ملک کے بیشتر علاقوں میں موسم خشک اورگرم رہے گا۔

(جاری ہے)

محکمہ موسمیات کے مطابق گزشتہ 24 گھنٹوں کے دوران مشرقی بلوچستان، گلگت بلتستان، بالائی خیبرپختونخوا، جنوبی پنجاب، کشمیر اوربالائی سندھ میں چند مقامات پر آندھی اور گرج چمک کے ساتھ ہلکی سے درمیانی بارش ہوئی جبکہ ملک کے دیگر علاقوں میں موسم گرم اور خشک رہا۔

اس دوران سب سے زیادہ بارش لسبیلہ میں 20 ، بارکھان 6، پسنی 2، بگروٹ 17، گلگت 15، بونجی 3،چلاس، گوپس 2، دیر(بالائی) 6، مالم جبہ 4، بالاکوٹ 2، کالام ایک، بہاولپور ایئرپورٹ 2، خانیوال 2، کوٹ ادو، مری ایک اور مظفرآباد (سٹی، ائرپورٹ) میں 2ملی میٹر بارش ریکارڈ کی گئی۔ ہفتہ کو ریکارڈ کیے گئے زیادہ سے زیادہ درجہ حرارت کی رپورٹ کے مطابق جیکب آباد میں درجہ حرارت 43 ، دادو، مٹھی، تربت 42، سبی، موہنجوداڑو، چھور، کوٹ ادو، ٹنڈو جام اورروہڑی میں 41 ڈگری سینٹی ریکارڈ کیا گیا۔