بالائی خیبر پختونخواہ، کشمیر ،گلگت بلتستان اورملحقہ پہاڑی علاقوں میں تیز ہواؤں اور گرج چمک کے ساتھ بارش کا امکان ، محکمہ موسمیات

ہفتہ 7 ستمبر 2024 23:26

اسلام آباد (اُردو پوائنٹ اخبارتازہ ترین - اے پی پی۔ 07 ستمبر2024ء) آئندہ چوبیس گھنٹوں کے دوران بالائی خیبر پختونخواہ، کشمیر ،گلگت بلتستان اورملحقہ پہاڑی علاقوں میں تیز ہواؤں اور گرج چمک کے ساتھ بارش کا امکان ہے جبکہ ملک کے بیشتر علاقوں میں موسم گرم اور خشک رہنے کی توقع ہے۔ محکمہ موسمیات کی رپورٹ کے مطابق گزشتہ 24 گھنٹوں کے دوران ملک کے بیشترعلاقوں میں موسم گرم اورخشک رہا تاہم اسلام آباد، بالائی/وسطی پنجاب، کشمیر اوربالائی خیبر پختونخواہ میں چند مقامات پر تیز ہواؤں/جھکڑ چلنے اورگرج چمک کے ساتھ بارش ہوئی۔

سب سے زیادہ بارش اسلام آباد (سید پور 76، زیروپوائنٹ 73، گولڑہ 44، بوکڑا 29، ایئرپورٹ 6)، راولپنڈی (چکلالہ 55، شمس آباد 53، کچہری 20)، منڈی بہاؤالدین 27، سیالکوٹ (ایئرپورٹ 21، سٹی 15)، سرگودھا سٹی 20، حافظ آباد 17، منگلا 13، مری 12، جہلم 9، جوہر آباد 8، گجرات 6، لاہور (سٹی)، نورپورتھل 5، اٹک، بھکر 3، کروڑ (لیہ) 2، شیخوپورہ، چکوال ایک، گڑھی دوپٹہ 42، کوٹلی 3، راولاکوٹ، مظفرآباد (سٹی) 2، چراٹ 24، ڈی آئی خان (ایئرپورٹ 18، سٹی 14)، کاکول 14، بالاکوٹ 7، مردان 2، تخت بائی، سیدو شریف اور پشاور ایئرپورٹ میں ایک ملی میٹر بارش ریکارڈ کی گئی۔

(جاری ہے)

ہفتہ کو ریکارڈکیے گئے زیادہ سے زیادہ درجہ حرارت کی رپورٹ کے مطابق دالبندین، نوکنڈی میں درجہ حرارت 42 ، سبی اورتربت میں41 ڈگری سینٹی گریڈ ریکارڈ کیا گیا۔