سیاست میں آنے کا ارادہ نہیں، فوکس ہے کہ ورلڈ ریکارڈ توڑ دوں : ارشد ندیم

2025ء میں جاپان میں ہونیوالے ورلڈ ایتھلیٹکس چیمپئن شپ میں شرکت کروںگا، لاس اینجلس اولمپکس 2028ء کیلئے بھی تیاری جاری رہے گی : اولمپک چیمپئن

ذیشان مہتاب ہفتہ 14 ستمبر 2024 15:47

سیاست میں آنے کا ارادہ نہیں، فوکس ہے کہ ورلڈ ریکارڈ توڑ دوں : ارشد ندیم

لاہور (اردو پوائنٹ تازہ ترین اخبار ۔ 14 ستمبر 2024ء ) اولمپک گولڈ میڈلسٹ ارشد ندیم کا کہنا ہے کہ 2025ء میں جاپان میں ہونے والے ورلڈ ایتھلیٹکس چیمپئن شپ میں شرکت کروں گا، لاس اینجلس اولمپکس 2028ء کیلئے بھی تیاری جاری رہے گی۔ لاہور میں میڈیا سے بات کرتے ہوئے ارشد ندیم نے کہا کہ آنے والے ایونٹس کیلئے اگلے ماہ سے ٹریننگ کا آغاز کروں گا، مجھ پر پرفارمنس دکھانے کا دباؤ ہوگا۔

(جاری ہے)

گولڈ میڈلسٹ نے کہا کہ پاکستان میں ٹیلنٹ کی کمی نہیں، کھیلوں کیلئے ملکر کام کرنا چاہیے، سیاست میں آنے کا ارادہ نہیں، جیولن کرنی ہے، فوکس ہے کہ ورلڈ ریکارڈ توڑ دوں۔ واضح رہے کہ گزشتہ دنوں صدر مملکت آصف علی زرداری نے اولمپک گولڈ میڈلسٹ کو ہلال امتیاز سے نوازا تھا۔ ایوان صدر میں اولمپک گولڈ میڈلسٹ کو ہلال امتیاز عطا کرنے کی تقریب میں صدر آصف علی زرداری نے فخر پاکستان ارشد ندیم کو ہلال امتیاز عطا کیا تھا۔

اس پروقار تقریب میں چیئرمین سینیٹ یوسف رضا گیلانی، وفاقی وزرا، بیورو کریٹس اور گولڈ میڈلسٹ کے اہلخانہ بھی شریک ہوئے تھے۔