ملک کےبیشتر اضلاع میں موسم گرم اورمرطوب رہنے کا امکان

جمعہ 27 ستمبر 2024 23:13

اسلام آباد (اُردو پوائنٹ اخبارتازہ ترین - اے پی پی۔ 27 ستمبر2024ء) ملک کےبیشتر اضلاع میں ہفتہ کے روز موسم گرم اورمرطوب رہنے کا امکان ہے، آئندہ چوبیس گھنٹوں کے دوران اسلام آباد، خیبر پختونخواہ، پنجاب، خطہ پوٹھو ہار، کشمیر اور گلگت بلتستان میں آندھی /جھکڑ چلنے اور گرج چمک کے ساتھ بارش کا امکان ہے۔ محکمہ موسمیات کے مطابق اس دوران اسلام آباد، بالائی خیبر پختونحوا، شمال مشرقی پنجاب، خطہ پوٹھوہار اور کشمیر میں چند مقامات پر موسلادھار بارش/ژالہ باری متوقع ہے تاہم ملک کے دیگر علاقوں میں موسم گرم اور مرطوب رہے گا۔

رپورٹ کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا ہے جبکہ خطہ پوٹھوہار، اسلام آباد، شمال مشرقی پنجاب اور بالائی خیبر پختونخوا میں تیزہوائوں اور گرج چمک کے ساتھ بارش جبکہ چند مقامات پر موسلادھار بارش ہوئی۔

(جاری ہے)

سب سے زیادہ بارش راولپنڈی میں ( کچہری 127، چکلالہ 110، شمس آباد 84)، اسلام آباد ( بوکڑہ 117، گولڑہ 90، سٹی 64، سیدپور 43، ایئر پورٹ 32)، جہلم 62، منگلا 51، چکوال 38، گجرات 33، فیصل آباد 32، سیالکوٹ ( ایئر پورٹ 27، سٹی ایک)، اٹک 17، سرگودھا 15، جوہر آباد 12، منڈی بہائوالدین 11، لاہور (ائیر پورٹ) 9، حافظ آباد 8، مری 5، اوکاڑہ 3، نارووال ، قصور ، گوجرانوالہ ایک، دیر (لوئر ) 42، سیدو شریف 30، میر کھانی، کالام، چراٹ 12، مالم جبہ 9، پٹن 8، بالاکوٹ ، دروش 7، کاکول، چترال 2، تخت بائی ایک، مظفر آباد (ایئر پورٹ 9، سٹی 8) ،روالاکوٹ 7، کوٹلی اور گڑھی دوپٹہ میں 4 ملی میٹر بارش ریکارڈ کی گئی۔

جمعہ کو ریکارڈ کیے گئے زیادہ سے زیادہ درجہ حرارت کی رپورٹ کے مطابق شہید بینظیر آباد، دادو میں درجہ حرارت 43، پڈعیدین، سکرنڈ، موہنجو داڑو، خیر پور، رحیم یار خان اور سکھر میں درجہ حرارت 42 ڈگری سینٹی گریڈ ریکارڈ کیا گیا ہے۔

Facebook Twitter Google + Share on Whatsapp

ملک کےبیشتر اضلاع میں موسم گرم اورمرطوب رہنے کا امکان

متعلقہ عنوان :

مزید موسم کی خبریں