ؤدریائے سندھ پر 6 نئے کینال بنانے کی منظوری کے خلاف 18اکتوبر کو کراچی سے بیداری مارچ کا آغاز

ڑ*بیداری مارچ کے شرکاء ٹھٹھہ، سجاول سے ہوتے ہوئی19اکتوبر کو بدین پہنچیں گے /کراچی سمیت سندھ کے دیگر اضلاع کے پانی، وسائل اور حقوق پر کرپٹ حکمرانوں کو ڈاکہ مارنے نہیں دینگے،سردار عبدالرحیم

جمعرات 17 اکتوبر 2024 20:05

کراچی(اُردو پوائنٹ اخبارتازہ ترین - آن لائن۔ 17 اکتوبر2024ء) سندھ میں پانی کے مسئلے پر غیور عوام سراپا احتجاج ہیں۔گرینڈ ڈیموکریٹک الائنس کے سیکریٹری اطلاعات اور پاکستان مسلم لیگ فنکشنل سندھ کے سیکریٹری جنرل سردار عبدالرحیم کا کہنا ہے کہ ارسا ایکٹ میں غیر آئینی ترامیم اور دریائے سندھ پر 6 نئے کینال بنانے کی منظوری کے خلاف 18اکتوبر کو کراچی سے بیداری مارچ کا آغاز ہوگا بیداری مارچ کے شرکاء ٹھٹھہ، سجاول سے ہوتے ہوئی19اکتوبر کو بدین پہنچیں گے جہاں جلسہ عام منعقد ہوگا، کراچی سمیت سندھ کے دیگر اضلاع کے پانی، وسائل اور حقوق پر کرپٹ حکمرانوں کو ڈاکہ مارنے نہی دینگے ان خیالات کا اظہار سردار عبدالرحیم نے جی ڈی اے کے رہنماؤں اور کارکنان سے ملاقات کے دوران کیا۔

سردار عبدالرحیم نے کارکنوں کو بیداری مارچ میں بھرپور شرکت کی ہدایت کی اور کہا کہ کراچی کے عوام کا سمندر اپنے حقوق کے لیے سڑکوں پر ہوگا انہوں نے کہا کہ بدعنوان حکمران جعلی اسمبلیوں میں بیٹھ کر عوام کے حقوق کا سودا کررہے ہیں جو عوام یکسر مسترد کرتے ہیں۔

(جاری ہے)

سردار عبدالرحیم نے مزید کہا کہ ملک میں افراتفری اور غیر یقینی صورتحال پر عوام الناس کو سخت تشویش ہے سندھ میں امن و امان کی صورتحال انتہائی خراب ہے چوریاں ڈکیتیاں اغواء برائے تاوان، دھماکے،لوٹ کھسوٹ عروج پر پہنچ گئی ہں عوام بدحال ہیں ہر جانب معاشی ابتری ہے لٹیرے حکمرانوں کی عیاشیاں ختم نہی ہو رہی ہیں اور غریب عوام خود کشیوں پر مجبور ہیں سردار عبدالرحیم نے بتایا کہ بیداری مارچ کے شرکاء 18 اکتوبر کو 12بجے ملیر پریس کلب گلشن حدید پر جمع ہوں گے جہاں سے صوبائی رہنماؤں کی قیادت میں گھگھر پھاٹک دھابیجی گھارو سے ہوتے ہوئے شام 4 بجے ٹھٹھہ پہنچیں گے ٹھٹھہ میں مرکزی چوک پر جلسہ ہوگا،19اکتوبر کو ٹھٹھہ سے صبح 11بجے سجاول گولاڑچی سے ہوتے ہوئے بدین کے لئے روانہ ہوں گے اور شام 4 بجے بدین میں جلسہ عام ہوگا جلسہ عام سے جی ڈی اے کے چیف کوآرڈینیٹر اور فنکشنل مسلم لیگ سندھ کے صدر سید صدرالدین شاہ راشدی،سابق وزیر اعلی سندھ لیاقت علی جتوئی، غلام مرتضٰی جتوئی،ڈاکٹر صفدر عباسی سید زین شاہ، ایاز لطیف پلیجو، ڈاکٹر قادر مگسی، ڈاکٹر ذوالفقار مرزا،ڈاکٹر فہمیدہ مرزا،پی ٹی آئی جمعیت علماء اسلام اور جماعت اسلامی کے رہنماوں سمیت دیگر مرکزی رہنما خطاب کریں گے۔