رضوان کو جو ٹیم دی گئی ہے اس میں کوئی میچ ونر نہیں : رمیز راجہ

کوچ گیری کرسٹن کے تجربے کی ضرورت تھی، بابر اعظم سے پوچھنا چاہیے تھا کہ وہ آرام چاہتے ہیں یا نہیں : سابق کرکٹر

ذیشان مہتاب بدھ 30 اکتوبر 2024 12:42

رضوان کو جو ٹیم دی گئی ہے اس میں کوئی میچ ونر نہیں : رمیز راجہ

لاہور (اردو پوائنٹ تازہ ترین اخبار ۔ 30 اکتوبر 2024ء ) سابق چیئرمین پی سی بی و کمنٹیٹر رمیز راجہ نے گیری کرسٹن کے استعفیٰ اور محمد رضوان کو کپتان بنانے پر ردعمل دے دیا۔ سابق ٹیسٹ کرکٹر رمیز راجہ نے کہا کہ محمد رضوان کو جو ٹیم دی گئی ہے اس میں میچ ونر بھی نہیں ہے، بابر اعظم سے پوچھنا چاہیے تھا کہ وہ آرام چاہتے ہیں یا نہیں۔ انہوں نے کہا کہ فخر زمان وائٹ بال میں پاکستان ٹیم کی ضرورت ہیں۔

62 سالہ رمیز راجہ نے کہا کہ پاکستان کو کوچ گیری کرسٹن کے تجربے کی ضرورت تھی، گیری کے معاملے پر کرکٹ بورڈ کو وضاحت دینی چاہیے۔ اس سے قبل گزشتہ روز سابق چیئرمین پی سی بی رمیز راجہ نے اپنے وی لاگ میں وضاحت دیتے ہوئے کہا تھا کہ رمیز راجہ نے کہا کہ کھلاڑیوں سے سوال کرنا میرا حق ہے، پاکستان کی کامیابی سے سب کو عزت ملے گی۔

(جاری ہے)

ان کا کہنا تھا کہ سوشل میڈیا پر شرلی چھوڑ دی گئی، مقصد کسی کو نیچا دکھانا نہیں تھا، شان مسعود کو بیٹنگ میں غلطیاں دور کرنے کا کہا تھا، پاکستان کی کامیابی سے سب کو عزت ملے گی۔

رمیز راجہ نے کہا تھا کہ ایسا لگتا ہے پاکستان ٹیم زندہ ہی سوشل میڈیا پر ہے۔ سابق چیئرمین پی سی بی نے کہا تھا کہ مجھ پر دباؤ رکھنے کے لیے سیاست کی جاتی ہے، جو لوگ کرکٹ نہیں کھیلے وہ کرکٹ پر بات کرتے ہیں، ایسا لگتا ہے۔