ملک کے بیشترعلاقوں میں موسم خشک اور پہاڑی علاقوں میں موسم سرد رہنے کا امکان

بدھ 30 اکتوبر 2024 19:40

اسلام آباد (اُردو پوائنٹ اخبارتازہ ترین - اے پی پی۔ 30 اکتوبر2024ء) آئندہ 24 گھنٹوں کے دوران ملک کے بیشترعلاقوں میں موسم خشک جبکہ پہاڑی علاقوں میں صبح/رات کے اوقات میں سرد رہنے کا امکان ہے تاہم گلگت بلتستان میں مطلع جزوی ابرآلود رہنے کے علاوہ چند مقامات پرہلکی بارش اور بلند وبالا پہاڑوں پر ہلکی برف باری متوقع ہے۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشترعلاقوں میں موسم خشک جبکہ سندھ میں گرم رہا تاہم اسلام آباد، خطہ پوٹھوہار، گلگت بلتستان، بالائی خیبر پختونخوا اور کشمیرمیں تیز ہوائوں اور گرج چمک کے ساتھ بارش ہوئی۔

سب سے زیادہ بارش پنجاب: اسلام آباد ( ایئرپورٹ 09، بوکڑا 02، سٹی 01)، مری 07، اٹک 03، راولپنڈی (شمس آباد، کچہری ) 01، گلگت بلتستان: سکردو09، ا ستور 03، خیبرپختونخوا: پٹن 09، دیر(بالائی)، مالم جبہ 02، سیدو شریف 01، کشمیر: مظفرآباد (سٹی 02، ائیر پورٹ 01)، گڑھی دوپٹہ 02اورراوالاکوٹ میں ایک ملی میٹر بارش ریکارڈ کی گئی۔بدھ کو ریکارڈکئے گئے زیادہ سے زیادہ درجہ حرارت: سبی، ٹنڈوجام 40، مٹھی، حیدرآباد، لسبیلہ، تربت اور شہید بینظیر آباد میں 39ڈگری سینٹی گریڈ ریکارڈ کیا گیا۔