آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہے گا، محکمہ موسمیات

جمعرات 28 نومبر 2024 22:45

اسلام آباد (اُردو پوائنٹ اخبارتازہ ترین - اے پی پی۔ 28 نومبر2024ء) آئندہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی /جنوبی بلوچستان اور جنوبی خیبر پختونخوا میں مطلع جزوی ابر آلود رہنے کے علاوہ چند مقامات پر تیز ہواؤں اور گرج چمک کے ساتھ بارش اور پہاڑوں پر برف باری کا امکان ہے، پنجاب کے چند میدانی علاقوں اور بالائی سندھ میں رات کے اوقات میں سموگ /دھند چھائےرہنے کی توقع ہے۔

محکمہ موسمیات کے مطابق جمعہ کوخیبر پختونخوا،بلوچستان ، کشمیر اور گلگت بلتستان میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برف باری کا امکان ہے جبکہ شام/رات میں بالائی پنجاب، اسلام آباد، مری اور گلیات میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ چند مقامات پر ہلکی سے درمیانی بارش کی توقع ہے ، ملک کے دیگر علاقوں میں موسم سرد اور خشک رہنے کا امکان ہے۔

(جاری ہے)

پنجاب کے چند میدانی علاقوں اور بالائی سندھ میں صبح اور رات کے اوقات میں سموگ /دھند چھائےرہنے کی توقع ہے۔گذشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا۔ پنجاب کے چند میدانی علاقے اور بالائی سندھ سموگ /دھند کی لپیٹ میں رہے۔جمعرات کوریکارڈکئے گئے کم سےکم درجہ حرارت لہہ منفی09 ،سکردو منفی 07، استور، گلگت، گوپس منفی 04، ہنزہ ، کالام منفی 02 اور دیرمیں منفی ایک ڈگری سینٹی گریڈ ریکارڈ کیا گیا۔