ملک کے بیشتر علاقوں میں موسم خشک ،شمال مشر قی بلوچستان ، با لا ئی خیبر پختونخوا، گلگت بلتستان اورکشمیر میں چند مقامات پر بارش کا امکان

پیر 2 دسمبر 2024 19:16

اسلام آباد (اُردو پوائنٹ اخبارتازہ ترین - اے پی پی۔ 02 دسمبر2024ء) آئندہ 24 گھنٹوں کے دوران ملک کے بیشتر علاقوں میں موسم خشک اور سرد جبکہ شمال مشر قی بلوچستان ، با لا ئی خیبر پختونخوا، گلگت بلتستان اورکشمیر میں چند مقامات پر تیز ہوائوں اور گرج چمک کے ساتھ بارش اور پہاڑوں پر برف باری کا امکان ہے، جنو بی پنجاب میں مطلع جزوی ابرآلود رہنے کے علاوہ چند مقامات پر تیز ہوائوں اور گرج چمک کے ساتھ ہلکی بارش ہوسکتی ہے، پنجاب کے بعض میدانی علاقوں اور بالائی سندھ میں ہلکی دھند چھائےرہنے کی توقع ہے۔

محکمہ موسمیات کے مطابق کل منگل کوملک کے بیشتر علاقوں میں موسم خشک اور سرد رہنے کا امکان ہے تاہم با لا ئی خیبر پختونخوا، کشمیر اورگلگت بلتستان میں چند مقامات پر تیز ہوائوں اور گرج چمک کے ساتھ بارش اور پہاڑوں پر برف باری کا امکان ہے ،پنجاب کے بعض میدانی علاقوں اور بالائی سندھ میں صبح /رات کے اوقات میں ہلکی دھند چھائےرہنے کی توقع ہے۔

(جاری ہے)

گذشتہ 24 گھنٹوں کے دوران بالائی خیبر پختونخواہ ، شمالی مشرقی بلوچستان ، جنوبی پنجاب اور بالائی سندھ میں چند مقامات پرتیز ہوائوں اور گرج چمک کے ساتھ بارش جبکہ کالام میں برف باری ہوئی۔ ملک کے دیگر علاقوں میں موسم سرد اور خشک رہا۔سب سے زیادہ بارش خیبرپختونخوا: کالام 13، میر خانی05 ، دروش 03، بارکھان، چترال ، دروش 02،دیر (بالا ئی ) 01، پنجاب: ڈی جی خان 01، سندھ: جیکب آباد میں 01 ملی میٹر بارش ریکارڈ کی گئی، برف باری(کالام میں 2.5 انچ برف باری ریکارڈ کی گئی۔پیر کوریکارڈکئے گئے کم سےکم درجہ حرارت: : لہہ منفی 08 ، سکردو،گوپس، ہنزہ منفی03اورکالام میں منفی01ڈگری سینٹی گریڈ ریکارڈ کیا گیا۔