آئندہ 24 گھنٹوں کے دوران ملک کے بیشتر علاقوں میں موسم سرد اورخشک رہنے کا امکان ہے، محکمہ موسمیات

ہفتہ 28 دسمبر 2024 19:20

اسلام آباد (اُردو پوائنٹ اخبارتازہ ترین - اے پی پی۔ 28 دسمبر2024ء) آئندہ 24 گھنٹوں کے دوران ملک کے بیشتر علاقوں میں موسم سرد و خشک اورپہاڑی علاقوں میں صبح اور رات کے اوقات میں شدیدسرد رہنے کا امکان ہے جبکہ بالائی علاقوں میں صبح کے اوقات میں چند مقامات پر کہرا پڑنے کا امکان ہے۔ ہفتہ کو محکمہ موسمیات کے مطابق پنجاب ، خیبر پختونخوا کے زیادہ ترمیدانی علا قوں اور وسطی سندھ میں صبح / رات کے اوقات میں سموگ اور شدید دُھند چھائے رہنے کی توقع ہے۔

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔ اس دوران شمال مشرقی پنجاب ،گلگت بلتستان اور کشمیر میں بارش اور پہاڑوں پر برفباری ہوئی۔پنجاب کے میدانی علاقوں اور بالائی سندھ میں سموگ/دُھند چھائی رہی سب سے زیادہ بارش پنجاب: نارووال 16، لاہور (جیل روڈ 07، واسا ہیڈ آفس، لکشمی چوک 05، اپر مال 04، چوک ناخودہ، مغل پورہ، فرخ آباد 03، ایئرپورٹ ، تاج پورہ، سمن آباد 02، پانی والا تالاب راوی 01، قصور 11، سیالکوٹ (ایئرپورٹ 09 سٹی02)، گجرات 05، شیخوپورہ 03، جہلم 02، منگلا 01،کشمیر: کوٹلی 11، راولاکوٹ 06، گلگت بلتستان:ا سکردو میں 05 ملی میٹر بارش ریکارڈ کی گئی۔

(جاری ہے)

برفباری ( انچ )اسکردو میں03 انچ برفباری ریکارڈ ہوئی۔ہفتہ کوریکارڈکئے گئے کم سےکم درجہ حرارت: اسکردومنفی13،گوپس منفی09، استور، گلگت، لہہ منفی08،قلات منفی07، کوئٹہ ، زیارت، ہنزہ منفی06 ، کالام اوربگروٹ میں منفی 05 ڈگری سینٹی گریڈ ریکارڈ کیا گیا۔