Live Updates

فرسٹ کلاس کرکٹ کی ایک اننگز میں 5 وکٹیں، محمد عباس نے سرفراز نواز کا 40 سالہ ریکارڈ توڑ دیا

34 سالہ پیسر اب تک فرسٹ کلاس کرکٹ میں 47 مرتبہ یہ اعزاز اپنے نام کرچکے ہیں

ذیشان مہتاب جمعہ 3 جنوری 2025 15:52

فرسٹ کلاس کرکٹ کی ایک اننگز میں 5 وکٹیں، محمد عباس نے سرفراز نواز کا ..

لاہور (اردو پوائنٹ تازہ ترین اخبار ۔ 3 جنوری 2025ء ) پاکستانی فاسٹ بولر محمد عباس نے سپر اسپورٹ پارک میں جنوبی افریقہ کے خلاف پہلے ٹیسٹ میں ریکارڈ کارکردگی کے ساتھ بین الاقوامی کرکٹ میں شاندار واپسی کی۔

پاکستان کی شکست کے باوجود یہ میچ محمد عباس کے شاندار 54 رنز کے عوض 6 وکٹوں کے لیے یاد رکھا جائے گا جس نے پاکستان کو ممکنہ فتح کے لیے آگے بڑھانے میں بھی مدد کی۔

یہ محمد عباس کے ٹیسٹ کیریئر میں 5واں اور فرسٹ کلاس کیریئر میں 47ویں مرتبہ تھا جب انہوں نے ایک اننگز میں 5 یا زیادہ وکٹیں حاصل کیں ، انہوں نے فرسٹ کلاس کرکٹ میں اننگز میں 5 یا زیادہ وکٹیں لینے والے پاکستانی پیسرز کی فہرست میں سرفراز نواز کا 40 سالہ ریکارڈ توڑ دیا ہے۔

فرسٹ کلاس کرکٹ میں کسی بھی پاکستانی فاسٹ بائولر کی جانب سے زیادہ مرتبہ اننگز میں زیادہ وکٹیں لینے کا اعزاز مشترکہ طور پر لیجنڈری کرکٹر عمران خان اور سابق کپتان وسیم اکرم کے پاس ہے جنہوں نے 70،70 مرتبہ یہ اعزاز اپنے نام کر رکھا ہے، وقار یونس 69 مرتبہ فرسٹ کلاس کرکٹ کی ایک اننگز میں 5 یا زیادہ وکٹیں لیکر اس فہرست میں دوسرے اور سابق ٹیسٹ کرکٹر عبدالرئوف 58 مرتبہ یہ کارنامہ سر انجام دیکر تیسرے نمبر پر موجود ہیں ۔

(جاری ہے)

جنوبی افریقہ کی دوسری اننگز میں محمد عباس کے 54 رنز دیکر 6 وکٹوں کے اعداد و شمار پروٹیز کے خلاف ٹیسٹ کرکٹ میں کسی پاکستانی باؤلر کی جانب سے اب تک کی بہترین کارکردگی تھی، جس نے ڈربن میں 1998ء میں مشتاق احمد کے 6/78 کی کارکردگی کو پیچھے چھوڑ دیا۔ محمد عباس کے کارنامے نے انہیں جنوبی افریقہ کے خلاف ایک اننگز میں چھ وکٹیں لینے والے باؤلرز کی ایلیٹ فہرست میں بھی شامل کیا جس میں وقار یونس اور سعید اجمل جیسے قابل ذکر نام بھی اس فہرست میں شامل ہیں۔