عمران خان آہستہ آہستہ مطالبات سے پیچھے ہٹیں گے اور ریلیف لینے کی کوشش کریں گے، منظور وسان کی نئی پیش گوئی

بانی پی ٹی آئی کے حق میں ٹرمپ نے کچھ کہا تو پھر ہم بھی ان کو ایبسلوٹی ناٹ کہیں گے، اب انٹرنیشنل حالات بدل چکے ہیں کوئی کسی کے پریشر میں نہیں آئے گا، رہنماء پیپلزپارٹی کا بیان

فیصل علوی پیر 13 جنوری 2025 16:45

عمران خان آہستہ آہستہ مطالبات سے پیچھے ہٹیں گے اور ریلیف لینے کی کوشش ..

کراچی(اردوپوائنٹ اخبار تازہ ترین۔13 جنوری 2025) پاکستان پیپلزپارٹی کے رہنماء منظور وسان نے نئی پیش گوئی کرتے ہوئے کہا ہے کہ بانی پی ٹی آئی عمران خان اب آہستہ آہستہ اپنے مطالبات سے پیچھے ہٹیں گے اور ریلیف لینے کی کوشش کریں گے، بانی پی ٹی آئی کے حق میں ٹرمپ نے کچھ کہا تو پھر ہم بھی ان کو ایبسلوٹی ناٹ کہیں گے،اپنے ایک بیان میں رہنماء پیپلزپارٹی کا کہنا تھا کہ اب انٹرنیشنل حالات بدل چکے ہیں کوئی کسی کے پریشر میں نہیں آئے گا۔

بانی پی ٹی آئی عمران خان کے مطالبات کسی بھی صورت نہیں مانے جائیں گے۔پی ٹی آئی کو مختلف گروپس میں تقسیم ہوتے دیکھ رہا ہوں۔انہوں نے کہا کہ بانی پی ٹی آئی نے جو مطالبات پہلے کئے تھے وہ ان سے بھی پیچھے ہٹ جائیں گے۔ بانی پی ٹی آئی عمران خان کی اور پارٹی کی پوزیشن کم ہوتی نظر آرہی ہے۔

(جاری ہے)

عمران خان کا جو گزشتہ سال پریشر تھا وہ نئے سال میں نظر نہیں آرہا ہے۔

بانی پی ٹی آئی عمران خان کی اپنے مطالبات سے پسپائی اور پی ٹی آئی میں تقسیم صاف نظر آرہی ہے۔مستقبل میں تحریک انصاف کو مختلف گروپوں میں تقسیم ہوتا ہوادیکھ رہا ہوں۔خیال رہے کہ اس سے قبل بھی پاکستان پیپلزپارٹی کے سینئر رہنماءمنظور وسان نے اپنی ایک پیش گوئی میں بتایا تھا کہ نئے سال میں بہت سی تبدیلیاں ہوں گی۔اور کچھ نئے چہرے سامنے آئیں گے۔

بانی پی ٹی آئی عمران خان کو سب چھوڑ کر چلے جائیں گے اور وہ اکیلے مار کھائیں گے۔نئے سال میں اداروں میں بھی گرما گرمی چلے گی۔اپنی پیش گوئیوں کے حوالے سے مشہورپاکستان پیپلز پارٹی کے سینئر رہنما ءکا اپنے ایک بیان میں کہنا تھا کہ 2025ءدیگر سالوں سے مختلف اور خطرناک ہو گا۔اس سال کئی انوکھے واقعات ہوں گے۔قبل ازیں بھی پیپلزپارٹی کا کہنا تھا کہ باتیں ہونی چاہئیں پر باتوں کا مطلب یہ بالکل نہیں کہ صرف آپ کو ریلیز کیا جائے۔

ہم نہیں چاہتے کہ جمہوریت کو نقصان ہو ہم نہیں چاہتے کہ باتیں نہ ہوں۔ باتوں سے ریلیف نہیں ملے گا عدالت اور کیسز پر فیصلہ ہوگا۔جو پہلے کہتا تھا ہم کوئی غلام ہیں اب امریکا کو مداخلت کرنے کیلئے اپیل کر رہا تھے۔ ہم بھی غلام نہیں کہ کس کے کہنے پر تمہیں ریلیف دیں گے کیسز تو چلیں گے۔