آئندہ 24 گھنٹوں کے دوران ملک کے بیشتر علاقوں میں موسم سرد اور خشک رہنے کا امکان

منگل 21 جنوری 2025 22:43

اسلام آباد (اُردو پوائنٹ اخبارتازہ ترین - اے پی پی۔ 21 جنوری2025ء) آئندہ 24 گھنٹوں کے دوران ملک کے بیشتر علاقوں میں موسم سرد اور خشک رہنے کا امکان ہےتاہم کشمیر،گلگت بلتستان ، بالائی خیبر پختونخوا ا ورشمال مغربی بلوچستان میں بارش اور پہا ڑوں پر برف باری جبکہ صبح اور رات کے اوقات میں پنجاب کے بیشتر اضلاع اور با لا ئی سندھ میں ہلکی سے درمیانی دھند چھائے رہنے کی توقع ہے۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور مطلع ابر آلود رہا تاہم بالائی خیبر پختونخوا، بلوچستان ،گلگت بلتستان، بالائی پنجاب اور کشمیر میں چند مقامات پر بارش اور برف باری ہوئی۔سب سے زیادہ بارش خیبر پختونحوا: پٹن، مالم جبہ12، چترال 09، دِیر (بالائی09، زیریں 06)، دروش05، کاکول ، استور 04، سیدو شریف ، میرکھانی 03، کشمیر:مظفر آباد (ایئر پورٹ07، سٹی 06 )، کوٹلی ،راولاکوٹ01، گلگت بلتستان: استور 10، گوپس میں 02 ملی میٹربارش ریکارڈ ہوئی۔

اس دوران کالام09،مالم جبہ 07 اور استور میں 02انچ برف باری ریکارڈ کی گئی۔منگل کو ریکارڈکئے گئے کم سےکم درجہ حرارت: لہہ منفی 09،گوپس ، سکردو منفی05، ہنزہ، استور منفی 02 کلام منفی 01اور گلگت میں00 ڈگری سینٹی گریڈ ریکارڈ کیا گیا۔