محسن نقوی کی چینی ہم منصب کیو ینجن سے ملاقات، پولیس اور پیرا ملٹری فورسز کیلئے جدید ٹیکنالوجی بڑھانے کافیصلہ

وفاقی وزیرداخلہ نے چینی ہم منصب کو پاکستان کے دورے کی بھی دعوت دی، دونوں رہنماﺅں کے درمیان ملاقات کے دوران جنوری میں جوائنٹ ورکنگ گروپ کی میٹنگ پر اطمینان کا اظہار اور بیجنگ پولیس اور اسلام آباد پولیس میں بھی تعاون بڑھانے کا فیصلہ کیا گیا

فیصل علوی بدھ 5 فروری 2025 12:06

محسن نقوی کی چینی ہم منصب کیو ینجن سے ملاقات، پولیس اور پیرا ملٹری فورسز ..

بیجنگ(اردوپوائنٹ اخبار تازہ ترین۔05 فروری 2025)وفاقی وزیرداخلہ محسن نقوی کی چینی ہم منصب کیو ینجن سے ملاقات ،ملاقات میں پولیس اور پیرا ملٹری فورسز کیلئے جدید ٹیکنالوجی اورانٹیلی جنس شیئرنگ کو مزید بہتر بنانے سے متعلق گفتگو کی گئی،دورہ بیجنگ کے موقع پر وزیر داخلہ محسن نقوی اور چینی ہم منصب کے درمیان ملاقات 2 گھنٹے طویل رہی،وفاقی وزیرداخلہ محسن نقوی نے چینی ہم منصب کو پاکستان کے دورے کی بھی دعوت دی۔

دونوں رہنماﺅں کے درمیان ملاقات کے دوران جنوری میں جوائنٹ ورکنگ گروپ کی میٹنگ پر اطمینان کا اظہار اور بیجنگ پولیس اور اسلام آباد پولیس میں بھی تعاون بڑھانے کا فیصلہ کیا گیا۔اس موقع پر بیجنگ پولیس اور اسلام آباد پولیس میں تعاون بڑھانے کا فیصلہ ہوا۔

(جاری ہے)

جنوری میں جوائنٹ ورکنگ گروپ کی میٹنگ پر اطمینان کا اظہار کیا گیا۔ اس موقع پر گفتگو کرتے ہوئے وفاقی وزیر داخلہ محسن نقوی نے کہا کہ چین سے پولیس کیلئے جدید ٹیکنالوجی و آلات لیں گے۔

قبل ازیں وفاقی وزیر داخلہ محسن نقوی نے عوامی جمہوریہ چین کے نئے سال کے آغاز پر چینی قیادت اورعوام کو مبارکباد دیتے ہوئے نیک خواہشات کااظہار کیا تھا۔اپنے ایک بیان میں محسن نقوی کا کہنا تھا کہ نیا سال بھی چین کیلئے مزید تیز رفتار ترقی اور خوشحالی کا سال ثابت ہو گا اورچین پائیدار ترقی کی نئی منازل طے کرے گا۔انہوں نے کہا تھاکہ چین کی قیادت نے محنت، عزم اور جذبے کے ساتھ ترقی کی منزل حاصل کی، چینی قوم نے اپنی عظیم لیڈر شپ میں غربت، بے روزگاری اور کرپشن کے خلاف کامیاب جدوجہد کی۔

دوسری جانب وفاقی وزیر داخلہ محسن نقوی نے پرنس کریم آغا خان کے انتقال پر دکھ اور افسوس کا اظہار کیا ہے۔وزیر داخلہ محسن نقوی کا سوگوار خاندان اور اسماعیل کمیونٹی سےدلی ہمدردی و اظہار تعزیت کیا ہے۔ اپنے بیان میں کہاکہ پرنس کریم آغا خان کی سماجی شعبوں کے لیےخدمات ناقابل فراموش ہیں۔ان کا کہنا تھا کہ پرنس کریم آغا خان نے پاکستان میں تعلیم وصحت کے شعبوں میں نمایاں کام کیا۔پرنس کریم آغا خان کے انتقال سے دنیا انسانیت کی ہمدرد شخصیت سے محروم ہوگئی ہے۔