q سابق وزیراعظم نواز شریف کو غلط نکالا گیا‘ شیر افضل مروت

پیر 17 فروری 2025 22:15

اسلام آباد(اُردو پوائنٹ اخبارتازہ ترین - آن لائن۔ 17 فروری2025ء)رکن قومی اسمبلی شیر افضل مروت نے کہا ہے کہ سابق وزیراعظم نواز شریف کو غلط نکالا گیا۔ نواز شریف کو اس وقت کی اسٹیبلشمنٹ اور ثاقب نثار نے مل کر نکلوایا، اس میں پی ٹی آئی کا کوئی کردار نہیں ہوسکتا تھا۔نجی ٹی وی میں گفتگو کرتے ہوئے شیر افضل مروت کا کہنا تھا کہ نواز شریف اور مجھ میں ایک مماثلت ہے۔

نواز شریف کو بھی آج تک سمجھ نہیںآئی کہ انہیں کیوں نکالا گیا۔اور مجھے کیوں نکالا۔یہ بات مجھے بھی کبھی سمجھ نہیں آئے گی۔

(جاری ہے)

شیر افضل مروت نے کہا کہ آج اسمبلی کے فلور پر بھی نعرہ لگایا کہ مجھے کیوں نکالا۔رکن قومی اسمبلی کا کہنا تھا کہ جب بانی پی ٹی آئی کو عدت اور سائفر کیس میں سزائیں سنائی گئیں تو ن لیگ اور پیپلز پارٹی کے کیمپ میں مٹھائیں تقسیم ہوئیں، جب نواز شریف کو نکالا گیا تو پی ٹی آئی میں مٹھائیاں تقسیم کی گئیں۔

انہوں نے کہا کہ کسی کو کوئی شک نہیں کہ جنرل (ر) قمر جاوید باجوہ نے سابق چیف جسٹس ثاقب نثار کے ساتھ مل کر نواز شریف کو نکلوایا۔شیر افضل مروت کا کہنا تھا کہ نواز شریف کو جس جرم پر نکالا گیا وہ غلط تھا، انہیں ایون فیلڈ، پاناما پر نکالتے تو اور بات تھی، انہیں بیٹے سے تنخواہ نہ لینے پر نکالا گیا۔

Facebook Twitter Google + Share on Whatsapp

q سابق وزیراعظم نواز شریف کو غلط نکالا گیا‘ شیر افضل مروت

متعلقہ عنوان :

مزید قومی خبریں