ڈونلڈ ٹرمپ کا مودی پر دبائو، مہنگے ایف-35 لڑاکا طیارے خریدنے کی پیشکش

نئی دہلی (اُردو پوائنٹ اخبارتازہ ترین - آن لائن۔ 19 فروری2025ء)ڈونلڈ ٹرمپ کا مودی پر دبائو، مہنگے ایف-35 لڑاکا طیارے خریدنے کی پیشکش، ٹرمپ یہ طیارہ مودی کو 80 ملین ڈالر سے زائد پر بیچ کر ان طیاروں سے جان چھڑانے کی بھرپور کوشش کر رہا ہے، ایف-35 بعض اوقات ٹیک آف کے فوراً بعد ہی فیل ہو جاتا ہے اور دوران پرواز مختلف تکنیکی مسائل کا شکار ہوتا ہے، پینٹاگون رپورٹ کے مطابق مودی کے ناکام دورہ امریکا کے دوران امریکی صدر ٹرمپ نے انہیں ایف 35 لڑاکا طیارے فروخت کرنے کی پیشکش کی، بھارتی جریدے دی ہندوکے مطابق امریکہ نے دفاعی معاہدوں کے لئے بھارت پر مزید دباو? ڈال کر ایف-35 فائٹر جیٹ کی پیشکش کی ہے ، 21نومبر 2024 کی پینٹاگون رپورٹ کے مطابق ‘‘ لاک ہیڈ مارٹن کے ایف-35 طیارے جنگی تجربات میں نا قابلِ اعتماد اور خامیوں کا مجموعہ ہے، پینٹاگون کی رپورٹ میں کہا گیا کہ چھ سالہ جنگی آزمائش میں ایف-35 کی کارکردگی متاثر، دیکھ بھال میں تاخیر، خراب کینن اور سائبر دفاعی صلاحیتوں پر خدشات برقرار ہیں، ایف-35 کے خودکار سسٹم میں سنگین خرابی کے باعث ایک گھنٹے میں ایک غلط الرٹ بھیجتا ہے جبکہ معیار ایک غلطی فی 50 گھنٹے مقرر تھا، ایلون مسک کے مطابق ایف 35 طیارہ مہنگا ہے اور ڈرونز کے دور میں ایسے طیارے کی کوئی جگہ نہیں، یہ صرف پائلٹ کو مروادے گا ، بھارتی اپوزیشن رہنما ؤں کے مطابق بھارت کوایف۔

(جاری ہے)

35 طیارہ اڑانے کے لیے ایک گھنٹے کے حساب سے 31 لاکھ بھارتی روپے کا نقصان ہو گا، بھارتی فضائیہ کے ماہرین کا ایف-35 کے بارے میں کہنا ہے کہ "یہ مہنگا، بجٹ پر بوجھ اور بھارت کی دفاعی ضروریات کے مطابق نہیں"ایف-35 ڈیل امریکہ کی سفارتی چالاکی ہے اور بھارت پر دباو? ڈالنے کے لیے استعمال کیا جا رہا ہے، بھارتی دفاعی ماہرین کے مطابق بھارت ایف-35 کے سپیئر پارٹس لینے کے لیے امریکہ پر ہی انحصار کرے گا جبکہ اس کی ٹیکنالوجی منتقل نہیں کی جائے گی، امریکی ٹیکنالوجی کے سخت حفاظتی قوانین مقامی مینوفیکچرنگ کی اجازت نہیں دیتے، ٹرمپ بھارت کو امریکہ کا محتاج بنانا چاہتا ہے، امریکا کا ایف 35 طیارہ مہنگا ہے اور اس کی دیکھ بھال پر بہت رقم خرچ ہوتی ہے، اس مہنگے طیارے سے امریکا جان چھڑا کر بھارت پر مسلط کرنا چاہتا ہے، بھارت اسلحے اور لڑاکا طیاروں کیلئے ہمیشہ روس کی جانب دیکھتا ہے تاہم امریکا کی کوشش ہے کہ اس کا انحصار روس سے ختم ہو جائے، بھارت کے معاشی حالات دیکھتے ہوئے مودی کو ایف 35 طیاروں کے معاہدے پر عملدرامد سے قبل ایک بار پھر نظر ثانی کرنی چاہئے، بھارت کو اپنے مقامی لڑاکا طیاروں اور روس کے ساتھ جاری معاہدے پر ہی عمل درامد جاری رکھنا چاہئے،۔