مصطفی عامر کیس پر پورا کام ہو گیا تو بڑے نام بے نقاب ہوں گے، گورنرسندھ

کراچی (اُردو پوائنٹ اخبارتازہ ترین - آن لائن۔ 01 مارچ2025ء)کامران ٹیسوری نے کہا ہے کہ نوجوان نسل کو نشے کا عادی بنایاجارہاہے، مصطفی عامرقتل کیس پر بھی بات کرنا چاہتا ہوں، مصطفی عامرکیس ٹھیک سے ہینڈل کیا گیا تومنشیات کا خاتمہ ہوجائے گا، میرے پاس کچھ معلومات ہیں جو ابھی شیئر نہیں کرسکتا،کراچی میں گورنرسندھ کامران ٹیسوری نے نیوزکانفرنس نے کہا کہ نوجوان نسل کو نشے کا عادی بنایا جارہا ہے، مصطفی عامرقتل کیس پر بھی بات کرنا چاہتا ہوں، مصطفی عامرکیس ٹھیک سے ہینڈل کیا گیا تومنشیات کا خاتمہ ہو جائے گا، میرے پاس کچھ معلومات ہیں جو ابھی شیئر نہیں کرسکتا۔

انھوں نے کہا کہ ایگزیکٹوپاورہوتی تو دیکھتا کیسے کوئی ڈمپر کسی کو کچلتا، ساری چیزیں کھل رہی ہیں، بااثرافراد کوپشت پناہی حاصل ہے۔

(جاری ہے)

ان کے پیچھے جن طاقتوں کا ہاتھ ہے وہ بہت با اثر ہیں، مصطفی عامرکیس پرپورا کام ہوگیا توبڑے نام بے نقاب ہوں گے۔گورنرسندھ نے کہا کہ مجھے جان سے مارنے کی دھمکی دی گئی ہے، اللہ تعالیٰ نے موقع دیا ہے ہم ایسے لوگوں پرہاتھ ڈال سکتے ہیں، اللہ تعالیٰ نے موقع دیا ہے کہ تمام ادارے ان کا قلع قمع کریں، سیشن ججز، مجسٹریٹ کا کام بھی فوری اقدامات کرنا ہے۔

کامران ٹیسوری نے کہا کہ جج صاحب کے رویے پرچیف جسٹس سندھ ہائیکورٹ کوخط لکھوں گا، اگر ضرورت پڑی تو چیف جسٹس پاکستان کو بھی خط لکھوں گا۔انھوں نے کہا کہ صحافیوں اورمیڈیا مالکان کا شکریہ ادا کرتا ہوں، ماہ رمضان میں گورنرہاؤس میں اسٹیج بنانے جا رہے ہیں، اسٹیج پرمعروف نعت خواں اورقوال کلام پیش کریں گے۔کامران ٹیسوری نے کہا کہ مدینہ شریف کے امام صاحب کراچی تشریف لائے ہیں، گورنرہاؤس میں 27روزہ تراویح کا اہتمام کیا جائے گا، 10لاکھ کیقریب لوگوں کیلئے افطارڈنرکااہتمام کیا جائے گا، روزانہ کی بنیاد پرایک پلاٹ کی قرعہ اندازی بھی کی جائے گی۔

گورنرسندھ نے کہا کہ گورنرہاؤس میں دعوت عام ہے، اقلیتوں کو بھی دعوت ہے ہمارے ساتھ آکرگورنرہاؤس میں افطار کریں۔گورنر سندھ کامران ٹیسوری نے ڈمپرز حادثات میں جاں بحق ہونے والوں کے اہل خانہ کو پلاٹ دینے کا اعلان کرتے ہوئے کہا کہ کراچی میں ڈمپرزحادثات میں جاں بحق ہونے والوں کے اہل خانہ کوایک ایک پلاٹ دوںگا۔گورنر سندھ نے کہا کہ روزانہ پلاٹ کی قرعہ اندازی ہوگی، بلڈرز اسی دن اہل خانہ کو فائل حوالے کرے گا۔

گورنر سندھ نے کہا کہ گورنرہاوس میں ماہ صیام کے پروگرامات کواتحاد رمضان کا نام دیا گیا ہے، اتحاد رمضان آپس میں یگانگت، یکجہتی کا پیغام ہے۔گورنرسندھ نے کہا کہ نئی نسل منشیات کی لت میں مبتلا ہے، والدین اپنے بچوں پرکڑی نظررکھیں، 32 سے زائد منشیات کی اشکال میں اشیا موجود ہیں، اسکولوں کے استاتذہ کا میڈیکل ٹیسٹ ہونا چاہیے۔انہوں نے کہا کہ گورنر ہاؤس میں مشنیات کے خلاف سیل بنانے جا رہا ہوں، اب کوئی کسی کو بلیک میل نہیں کرے گا، عوام کوآگاہی دے سکتا ہوں۔