وزیر صحت سید مصطفی کمال سے گیٹس فاؤنڈیشن کے ڈپٹی ڈائریکٹر برائے پولیو مائیکل گالوے کی ملاقات، صحت کے شعبے کے حوالے سے گفتگو

جمعرات 20 مارچ 2025 17:43

سلام آباد (اُردو پوائنٹ اخبارتازہ ترین - این این آئی۔ 20 مارچ2025ء)وفاقی وزیر صحت سید مصطفی کمال سے گیٹس فاؤنڈیشن کے ڈپٹی ڈائریکٹر برائے پولیو مائیکل گالوے نے ملاقات کی جس میں مائیکل گالوے نے مصطفی کمال کو وزارت کا قلمدان سنبھالنے پر مبارکباد دی ۔مائیکل گیلوے نے کہاکہ آپ کی قائدانہ صلاحیتوں کی پوری دنیا معترف ھے ،وزیر صحت نے مائیکل گیلوے کو دفتر آمد پر شکریہ ادا کیا ۔

ترجمان وزارت صحت نے کہاکہ ملاقات میں پولیو کے خاتمے سے متعلق امور پر تفصیلی تبادلہ خیال کیا گیا۔ترجمان وزارت صحت کے مطابق وزیر صحت نے پولیو کے خاتمے کی کوششوں میں بل گیٹس اور ان کی ٹیم کے مؤثر کردار کو سراہا۔ وفاقی وزیر نے کہاکہ پولیو کا مکمل خاتمہ قومی ترجیح ہے،وزیراعظم مسلسل جائزہ اجلاسوں کی صدارت کر رہے ہیں، وزیراعظم سے میری پہلی ملاقات بھی پولیو کے معاملے پر ہی ہوئی تھی۔

(جاری ہے)

مصطفی کمال نے کہاکہ وزیراعظم میاں شہباز شریف کی قیادت میں پولیو کے خاتمے کا پختہ عزم کر رکھا ہے ۔ انہوںنے کہاکہ حکومت پاکستان پولیو کے خلاف جنگ میں عالمی شراکت داروں کے تعاون کو قدر کی نگاہ سے دیکھتی ہے، جلد سے جلد پاکستان کو پولیو فری بنانے کا تہیہ کر رکھا ہے ۔ سید مصطفی کمال نے کہاکہ پولیو پروگرام نے حساس اور زیادہ خطرے والے علاقوں کی نشاندہی کر لی ہے، معیاری ویکسینیشن مہمات کے زریعے پولیو والے علاقوں میں تمام تر اقدامات کو یقینی بنارھے ہیں ،آنے والی پولیو مہمات میں پولیو کی صورتحال میں واضح بہتری نظر آئے گی۔

مصطفی کمال نے کہاکہ کمیونٹی کے مسائل کے حل کو ترجیح دی جا رہی ہے ،کراچی پر خصوصی توجہ مرکوز ہے۔ وفاقی وزیر نے کہاکہ ملک بھر میں پولیو کے خاتمے کی جاری کوششوں کو خو د مانیٹر کر رھا ہوں