Live Updates

بانی پی ٹی آئی سے جیل میں رہنمائوں اور وکلاء کی ملاقات، بہنوں کو اجازت نہیں ملی

بدھ 26 مارچ 2025 01:45

راولپنڈی (اُردو پوائنٹ اخبارتازہ ترین - این این آئی۔ 26 مارچ2025ء)بانی چیئرمین پاکستان تحریک انصاف عمران خان سے اڈیالہ جیل میں پارٹی کی رہنمائوں اور وکلاء ملاقات کی جن میں سلمان اکرم راجا، نیاز اللّٰہ نیازی ، بابر اعوان و دیگر شامل تھے۔ملاقات کے بعد راولپنڈی میں صحافیوں سے غیر رسمی گفتگو میں سلمان اکرم راجا نے کہا کہ ہماری بانی پی ٹی آئی سے ملاقات ہوئی، اٴْن کی بہنوں کو اجازت نہیں ملی۔

(جاری ہے)

انہوں نے کہا کہ بہنوں کی ملاقات نہ کرانے پر توہین عدالت کی درخواست دائر کریں گے۔پی ٹی آئی رہنما نے کہا کہ بانی پی ٹی آئی کو ملاقاتوں کے حوالے سے عدالتی کارروائی سے آگاہ کیا، بتایا کہ ہمارے لیے ملاقات ضروری ہے، میڈیا سے گفتگو کہیں بھی ہوسکتی ہے۔سلمان اکرم راجا نے کہا کہ بانی پی ٹی آئی نے میرے موقف کی تائید کی ہے، جیل میں کچھ ملاقاتیں اوپر سے کرائی جارہی ہیں، بانی پی ٹی آئی کو بتایا کہ اس سے پارٹی ڈسپلن خراب ہوتا ہے۔