Live Updates

وزیر کھیل خیبر پختونخوا نے پی ایس ایل کے نمائشی میچ سے متعلق نئی اَپ ڈیٹ فراہم کردی

پشاور کے سٹیڈیم میں 8 اپریل کو ہونے والا پی ایس ایل کا نمائشی میچ منسوخ نہیں کیا گیا : فخر جہاں

ذیشان مہتاب اتوار 30 مارچ 2025 14:19

وزیر کھیل خیبر پختونخوا نے پی ایس ایل کے نمائشی میچ سے متعلق نئی اَپ ..

پشاور (اردو پوائنٹ تازہ ترین اخبار ۔ 30 مارچ 2025ء ) خیبر پختونخوا کے صوبائی وزیر کھیل نے پاکستان سپر لیگ (پی ایس ایل) کے نمائشی میچ سے متعلق نئی اَپ ڈیٹ فراہم کردی۔

ایکسپریس نیوز کے مطابق صوبائی وزیر کھیل فخر جہاں کا کہنا ہے کہ پشاور کے عمران خان اسٹیڈیم میں 8 اپریل کو ہونے والا پاکستان سپر لیگ (پی ایس ایل) کا نمائشی میچ منسوخ نہیں کیا گیا ہے۔

انہوں نے کہا کہ کوئٹہ گلیڈی ایٹرز اور پشاور زلمی کے درمیان میچ کی تاریخ کو ری شیڈول کیا گیا ہے۔

(جاری ہے)

صوبائی وزیر کھیل فخر جہاں نے کہا کہ پاکستان کرکٹ بورڈ (پی سی بی) نمائشی میچ کی نئی تاریخ کا اعلان بعد میں کرے گا۔

قبل ازیں گزشتہ روز خبریں سامنے آئیں تھی کہ پاکستان کرکٹ بورڈ اور پشاور زلمی کے نمائندوں نے کرکٹ اسٹیڈیم کا دورہ کیا اور اسٹیڈیم میں سہولیات کا جائزہ لیا۔

پی سی بی ذرائع نے اسٹیڈیم میں سہولیات کو ناکافی قرار دیتے ہوئے میچ کے انعقاد کو منسوخ کرنے کے حوالے سے صوبائی حکومت کو آگاہ کردیا۔